ՀԱՅ ՊԱՏԱՆԻ ԲՌՆՑՔԱՄԱՐՏԻԿՆԵՐԸ ԱՇԽԱՐՀԻ ԱՌԱՋՆՈՒԹՅՈՒՆՈՒՄ
Արխիվ 12-16ՀԱՅ ՊԱՏԱՆԻ ԲՌՆՑՔԱՄԱՐՏԻԿՆԵՐԸ ԱՇԽԱՐՀԻ ԱՌԱՋՆՈՒԹՅՈՒՆՈՒՄ
Սանկտ Պետերբուրգում մեկնարկել է բռնցքամարտի պատանիների աշխարհի առաջնությունը, որին մասնակցում են 51 երկրի 386 մարզիկներ: Հայաստանն այս կարևոր ստուգատեսին մասնակցում է 7 բռնցքամարտիկով:
Աշխարհի առաջնությունում Հայաստանի մարզական պատիվը պաշտպանում են 46 կգ քաշային Արման Գալստյանը, 50 կգ քաշային Արթուր Բարեյանը, 52 կգ քաշային Արթուր Բազեյանը, 57 կգ քաշային ժորժիկ Մարությանը, 60 կգ քաշային Կորյուն Աստոյանը, 63 կգ քաշային Սիփան Լևոնյանը և 66 կգ քաշային Ռոբերտ Պետրոսյանը:
Մրցաշարի մեկնարկային օրը ռինգ դուրս եկած մեր երեք մարզիկներից երկուսը հաղթահարեցին իրենց մրցակիցների արգելքը: Հաղթանակ տոնեցին և հաջորդ փուլի ուղեգիր նվաճեցին 60 կգ քաշային Կորյուն Աստոյանը և 63 կգ քաշային Սիփան Լևոնյանը, իսկ ահա 57 կգ քաշային Ժորժիկ Մարությանը զիջեց իր մրցակցին և դուրս մնաց հետագա պայքարից: Տեղեկատվությունը տրամադրեց Հայաստանի բռնցքամարտի ֆեդերացիայի մամուլի ծառայությունը:
ՔՐԻՍՏԻՆԵ ՊԵՏՐՈՍՅԱՆ
Բաժանորդագրվե՛ք https://t.me/iravunk