Հրազենային վնասվածք ստացած սարկավագը որոշում է կայացրել շարունակել իր ծառայությունը Հայոց բանակում
Արխիվ 12-16
ԹՇՆԱՄՈՒ ԳՆԴԱԿԻՑ ՀՐԱԶԵՆԱՅԻՆ ՎՆԱՍՎԱԾՔ ՍՏԱՑԱԾ ՍԱՐԿԱՎԱԳԸ ՈՐՈՇՈՒՄ Է ԿԱՅԱՑՐԵԼ ՇԱՐՈՒՆԱԿԵԼ ԻՐ ԾԱՌԱՅՈՒԹՅՈՒՆԸ ՀԱՅՈՑ ԲԱՆԱԿՈՒՄ
Օգոստոսի 11-ին ԼՂՀ հյուսիս-արեւելյան հատվածի զորամասերից մեկի ուղղությամբ հակառակորդի կողմից իրականացված հետախուզադիվերսիոն ներթափանցման փորձի հետեւանքով գլխի հրազենային վնասվածք ստացած ՀՀ ԶՈՒ հոգեւոր սպասավոր Բարեշնորհ ՀՈՎՀԱՆՆԵՍ սարկավագ ԳԱԼՍՏՅԱՆՆ արդեն դուրս է գրվել Կենտրոնական կլինիկական զինվորական հոսպիտալից: Ավելին` Մայր Աթոռ Սուրբ Էջմիածնի տեղեկատվական համակարգի փոխանցմամբ` Մայր Աթոռում նրան` Հայոց բանակի հոգեւոր առաջնորդ Գերաշնորհ Տ. Վրթանես եպիսկոպոս Աբրահամյանի ուղեկցությամբ, ընդունել է Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը: Հանդիպմանը Վեհափառն իր օրհնությունն է փոխանցել քաջ սարկավագին եւ շուտափույթ ապաքինում մաղթել, ինչպես նաեւ շեշտել է. «Հայ Եկեղեցու ամեն մի հավատացյալ եւ հոգեւորական հպարտ է Հովհաննես սարկավագի դրսեւորած արի ոգով ու խիզախ պահվածքով»:
Գնահատանքով անդրադառնալով Հայոց բանակում հայ հոգեւորականների առաքելությանը` կաթողիկոսը նշել է, որ մեծ մխիթարություն է տեսնել` ինչպես են Հայ Եկեղեցու հոգեւորականներն, ի դեմս Հովհաննես սարկավագի, իրենց նվիրյալ ու նախանձախնդիր ծառայությունն իրականացնում` սպասավորելով հայ զինվորին, անգամ մարտական դիրքերում մշտապես կանգնած լինելով նրա կողքին եւ նրա հետ հաճախ հայտնվելով կյանքի եւ մահվան սահմանագծում:
Ամենայն Հայոց Կաթողիկոսը նաեւ գոհունակությամբ ողջունել է Հովհաննես սարկավագի որոշումը` շարունակելու իր ծառայությունը Հայոց բանակին եւ Հայրենիքին: Ի դեպ, հիշեցնենք, որ Հովհաննես սարկավագը դեռեւս հոսպտալում «Իրավունքի» հետ զրույցում նույնպես նշել էր, որ միանշանակ պատրաստվում է շարունակել հոգեւոր ծառայությունը Հայոց բանակում: Այնպես որ, մեզ մնում է միանալ Վեհափառի աղոթքներին ու քաջառողջություն մաղթել հերոսաբար իր առաքելությունն իրականացնող 25-ամյա սարկավագին, ով այս պահին վերականգնողական արձակուրդում է գտնվում:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31296 դիտում
2
10874 դիտում
3
2711 դիտում
4
1768 դիտում
5
1675 դիտում
2
19297 դիտում
3
11374 դիտում
5
8094 դիտում
3
17693 դիտում
