Ո՞Վ ԿՓՈԽԱՐԻՆԻ ԱԺ-ՈՒՄ ՀԵՏԱՅՍՈՒ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ԱՐՓԻՆԵ ՀՈՎՀԱՆՆԻՍՅԱՆԻՆ

Ո՞Վ ԿՓՈԽԱՐԻՆԻ ԱԺ-ՈՒՄ ՀԵՏԱՅՍՈՒ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ԱՐՓԻՆԵ ՀՈՎՀԱՆՆԻՍՅԱՆԻՆ

Քիչ առաջ հրապարակվեց ՀՀ Նախագահի հրամանագիրն առ այն, որ ԱԺ ՀՀԿ խմբակցության պատգամավոր ԱՐՓԻՆԵ ՀՈՎՀԱՆՆԻՍՅԱՆԸ նշանակվել է ՀՀ արդարադատության նախարար: Նշենք, որ Ա. Հովհաննիսյանը խորհրդարանում պատգամավոր էր ընտրվել համամասնական ընտրակարգով, ուստի` նոր ընտրություններ թափուր մնացած պատգամավորական մանդատի համար չի սպասվում: Իսկ ՀՀԿ համամասնական ցուցակում հերթը «Եվրոպական Ինտեգրացիա» ՀԿ Նախագահ ԿԱՐԵՆ ԲԵՔԱՐՅԱՆԻՆՆ է, ով, ամենայն հավանականությամբ էլ կհայտնվի Ազգային ժողովում: Միեւնույն ժամանակ, լինելով արեւմտամետ ուղղության կողմնակից եւ հաշվի առնելով, որ լավ «լեզու կգտնի» եվրոպացի գործընկերների հետ, չի բացառվում, որ Կ. Բեքարյանը Ա. Հովհաննիսյանին կփոխարինի նաեւ ԵԽԽՎ հայաստանյան պատվիրակության կազմում: Սակայն, նույնքան արժանահավատ է այն տեսակետը, որ հաշվի առնելով` Կ. Բեքարյանի ընդծված արեւմտամետ լինելն ու ժամանակին հայ-թուրքական պլատֆորմում եղած սկանդալային պատմությունները, որտեղ նա ուղիղ մասնակցություն ուներ, կարող է ՀՀԿ համամասնական ցուցակում, պարզապես, շրջանցվի նրա հնարավոր պատգամավորությունն ու խորհրդարան անցնի ոչ պակաս խայտառակ պատմությունների մեջ առնչված ՌԱՖԻԿ ՊԵՏՐՈՍՅԱՆԸ, ով եղել է ԱԺ չորրորդ գումարման պատգամավոր: Ընդորում, Ռ. Պետրոսյանը մասնագիտությամբ իրավաբան է, սակայն իր համալսարանական դասավանդության ու հատկապես քննություններ ընդունելու առնչությամբ առասպել են տարածվում, ուստի` ցավոք, նա  չի կարողանա խորհրդարանում Ա. Հովհաննիսյանի ստանձնած պարտավորությունները շարունակել նույնքան պատասխանատվությամբ:

Այնպես, որ պետք է դիտարկել նաեւ ցուցակում հաջորդ անունը` Տեր-Հովակիմյան Ալեքսանդր, ով ներկայումս զբաղեցնում է Հայաստանի երիտասարդական հիմնադրամի գործադիր տնօրենի պաշտոնը, եւ դժվար թե փոխարինի այդ տաքուկ տեղը պատգամավորի մանդատով, առավել եւս, որ նա որեւէ  փորձ չունի հրապարակային քաղաքականության ասպարեզում:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝