Հարկադիր կատարման ծառայությունն արժանացել է Հայրենական Մեծ պատերազմի 70-ամյակին նվիրված հուշամեդալին
Արխիվ 12-16
ՀՀ ՀԱՐԿԱԴԻՐ ԿԱՏԱՐՄԱՆ ԾԱՌԱՅՈՒԹՅՈՒՆՆ ԱՐԺԱՆԱՑԵԼ Է ՀԱՅՐԵՆԱԿԱՆ ՄԵԾ ՊԱՏԵՐԱԶՄԻ 70-ԱՄՅԱԿԻՆ ՆՎԻՐՎԱԾ ՀՈՒՇԱՄԵԴԱԼԻՆ
«Պատերազմը չի ավարտվի այնքան ժամանակ, քանի դեռ հողին չի հանձնվել վերջին զինվորը»:
Տեղին էր մինչ նյութին անդրադառնալը հիշատակել ռուսական բանակի ազգային հերոս Ալեքսանդր Սուվորովի հետեւյալ խոսքը, ով իր ռազմական կենսագրության ընթացքում ոչ մի պարտություն չի կրել:
Օգոստոսի 22-28-ը ՌԴ Նովգորոդի մարզում անցկացվեց «Հիշատակի հերթափոխ-2015» միջոցառումը, որը նվիրված էր Հայրենական մեծ պատերազմի 70-
ամյակին եւ մարտադաշտերում անհայտ կորած զինվորների մասունքների որոնողական աշխատանքների իրականացմանը: Վերոնշյալ միջազգային ուսումնագործնական 5-րդ հավաքին մասնակցել են Ռուսաստանի Դաշնության, Հայաստանի եւ Բելառուսի համանուն ծառայությունների ավելի քան 250 սպա: Ի դեպ, Հայրենական մեծ պատերազմի 70-ամյակին նվիրված հուշամեդալի եւ պատվոգրերի արժանացել է միայն Հայաստանի Հարկադիր կատարման ծառայությունը:
Պարզվում է` Հայաստանի հարկադիր կատարողները համատեղ որոնողական 
աշխատանքների ընթացքում գտել են մարտական գործողությունների ժամանակ զոհված եւ անհայտ կորած զինվորների մասունքներ ու զինվորական պատվով հողին հանձնել Ստարոռուսկի շրջանի Դավիդովո գյուղի եղբայրական գերեզմանում:
«Ամեն դեպքում, հաղթում է ժողովուրդների միասնական ուժն ու ոգին: Մենք այսօր ինչով զբաղվում ենք, շատ կարեւոր է, որովհետեւ նոր սերունդը պետք է ոգեղեն կապ հաստատի հերոս պապերի հետ»,- մասունքների հողին հանձնման արարողության ժամանակ նշել է ՌԴ դատական պրիստավների դաշնային ծառայության տնօրեն, գլխավոր դատական պրիստավ ԱՐԹՈՒՐ ՊԱՐՖԵՆՉԻԿՈՎԸ, ում ջերմ ընդունելությանն են արժանացել ՀՀ ԴԱՀԿ
աշխատակիցները:
Հավելենք, որ համատեղ որոնողական աշխատանքների ընթացքում Հայաստանի Հարկադիր կատարման ծառայության աշխատակիցները իրենց հետ բերել են Հայրենական մեծ պատերազմին մասնակցած, անհայտ կորած համարվող 15 հայորդու գերեզմանների գտնվելու վայրի մասին տեղեկատվություն, որը կտրամադրեն Պատերազմի եւ Հայաստանի զինված ուժերի վետերանների հանրապետական կոմիտեին: Դեռեւս չորս տարի առաջ համատեղ որոնողական աշխատանքների իրականացման արդյունքում գտնվել է Գեղարքունիքի մարզի բնակիչ, 1919 թ. ծնված Ավետիք Վահանի 
Հովհաննիսյանի գերեզմանը, ով 1942 թվականից անհայտ կորած է համարվել: Նրա աճյունը նույնպես այսօր թաղված է ՌԴ Նովգորոդի մարզի Մարյովսկի շրջանում` Մոլվոտիցի գյուղի եղբայրական գերեզմանում: Իսկ այս տարի Ա. Հովհաննիսյանի հարազատների խնդրանքով Հայաստանի Հարկադիր կատարման ծառայության աշխատակիցները, լինելով Մոլվոտիցի գյուղի եղբայրական գերեզմանում, մի բուռ հող են տարել եւ լցրել հանգուցյալի շիրիմի վրա:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31127 դիտում
2
19198 դիտում
3
1750 դիտում
4
1659 դիտում
5
1561 դիտում
3
17693 դիտում
4
11364 դիտում
5
8086 դիտում
5
8286 դիտում
