«ԱՂԱՆԴԱՎՈՐՆԵՐՆ ՈՒԺԵՐԸ ԿԵՆՏՐՈՆԱՑՆՈՒՄ ԵՆ ԵՐԵԽԱՆԵՐԻ ՎՐԱ»
Արխիվ 12-16
«ԱՂԱՆԴԱՎՈՐՆԵՐՆ ՈՒԺԵՐԸ ԿԵՆՏՐՈՆԱՑՆՈՒՄ ԵՆ ԵՐԵԽԱՆԵՐԻ ՎՐԱ»
Այն, որ աղանդավորներն առիթը բաց չեն թողնում հոգեորսությամբ զբաղվելու եւ դրա համար օգտագործում են ցանկացած առիթ, հայտնի բան է: Բայց հոգեւորսության այդ մարմաջը հաճախ ստանում է ծայրահեղ վտանգավոր ու անհանգստացնող ձեւ:
Սեպտեմբերի 1-ին, երբ շատ երեխաներ առաջին անգամ ոտք դրեցին դպրոց՝ ուսում ստանալու նպատակով, որոշ «կրոնական կազմակերպություններ» կարծես թե որոշել էին բոլորովին այլ դասընթացով սկիզբ դնել երեխաների կրթությանը: Այսպես՝ Շահումյանի անվան դպրոցի շրջակայքում ականատես եղանք, թե Եհովայի վկա երկու տարիքով կանայք (որոնց, ի դեպ, հաճախ տեսնում ենք «Վերնիսաժի» մոտ նստած՝ անցորդներին իրենց բրոշյուրներն առաջարկելիս) ինչպես էին հանգիստ շրջելով՝ անցորդներին իրենց յուրահատուկ բարեհամբույր դեմքով առաջարկում նույն այդ քարոզչական գրականությունը: Հասկանալի է՝ երեխաները հիմնականում ծնողների հետ էին, ովքեր գրեթե ուշադրություն չէին դարձնում այդ թերթիկներին: Բայց ծնողը ողջ օրն այդտեղ չի մնա, այսինքն՝ այս դեպքում ոչ ոք չի կարող բացառել, որ դպրոցից դուրս գալիս կամ դասամիջոցներին երեխաներն են դառնալու այդ քարոզների օբյեկտը:
Թե ինչ են մտածում այդ մասին Կրթության եւ գիտության նախարարությունում՝ փորձեցինք պարզել ԿԳՆ հանրակրթության վարչության պետ Նարինե Հովհաննիսյանից, ով նկատեց միայն.
- Դպրոցներում օրենքով արգելված է կրոնական քարոզչությունը: Դպրոցի ներսում ոչ ոք աշակերտների հետ նման քարոզչական աշխատանք չի կարող տանել: Դպրոցից դուրս՝ շրջակայքում կամ փողոցում նման գրականություն բաժանելու համար մենք ոչինչ անել չենք կարող:
Իհարկե՝ համաձայն չենք տիկին Հովհաննիսյանի հետ, թե՝ ոչինչ անել չեն կարող. նախարարությունն առնվազն կարող է դպրոցի մերձակայքում կրոնական քարոզչության վրա հրավիրել պատկան մարմինների ուշադրությունը եւ հասնել նրանց գործուն միջամտությանը. ի վերջո հոգեւորսությունը, այն էլ՝ դպրոցահասակ երեխաների նկատմամբ, օրենքով արգելված է, եւ պատկան մարմիններն այդ երեւույթը կանխելու բոլոր հնարավորություններն ունեն:
Ինչեւէ՝ Քայքայիչ պաշտամունքներից տուժածների օգնության եւ վերականգնողական կենտրոնի ղեկավար Ալեքսանդր Ամարյանին ամենեւին էլ չզարմացրեց վերը նշվածը փաստը.
- Չեմ զարմանում, քանի որ իրենք միշտ են ակտիվ: Ամառային շրջանում իրենք ճամբարներում են աշխատում, իսկ դպրոցական դասերը սկսելուն պես, իրենց այսպես ասած՝ միսիան իրականացնում են կրթօջախների մոտ: Իսկ այն, որ բոլոր աղանդավորները ու այդ թվում՝ Եհովայի վկաներն աշխատում են եւ բոլոր ուժերը կենտրոնացնում են երեխաների վրա, դա փաստ է, քանի որ դա իրենց գլխավոր գաղափարախոսությունն է: Արդյունքում՝ կոնկրետ Եհովայի վկաների բանակը տարեկան համալրվում է 300-400 հոգով, այսինքն օրական նրանց է միանում միջին հաշվով մեկ անձ:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
31146 դիտում
2
1827 դիտում
3
1760 դիտում
4
1588 դիտում
5
1535 դիտում
2
19203 դիտում
3
17693 դիտում
4
11364 դիտում
5
8086 դիտում
5
8286 դիտում
