«ԱՅԼԱՍԵՐՎԱԾՈՒԹՅՈՒՆՆ ԷՐ ՄՆԱՑԵԼ, ՈՐ ՔՆՆԱՐԿՄԱՆ ԱՌԱՐԿԱ ԴԱՐՁՆԵՆՔ»

«ԱՅԼԱՍԵՐՎԱԾՈՒԹՅՈՒՆՆ ԷՐ ՄՆԱՑԵԼ, ՈՐ ՔՆՆԱՐԿՄԱՆ ԱՌԱՐԿԱ ԴԱՐՁՆԵՆՔ»

Սահմանադրության փոփոխության ծրագրի շուրջ մտորումները, մոտեցումները, գաղտնիք չէ, որ հիմնականում խտացված են մայրաքաղաքում հնչող գնահատականների շրջանակներում: Դա հասկանալի է եւ իր պատճառներն ունի: Բայց նաեւ չմոռանանք, որ Սահմանադրություն ասվածը վերաբերում է ողջ երկրին, ամբողջ բնակչությանը, ու այդ նպատակով հանրաքվեն անցկացվելու է ոչ միայն մայրաքաղաքում: Ուստիեւ` միասեռ ամուսնությունների Վենետիկի հանձնաժողովի հայտնի դիտարկումների, սահմանադրական բարեփոխումների նախագծի վերաբերյալ հնչող տարաբնույթ այլ հնչեղ հարցերի հետ կապված գյումրեցիների այսօրվա մոտեցումների շուրջ զրուցեցինք Գյումրու նախկին քաղաքապետ ՎԱՐԴԱՆ ՂՈՒԿԱՍՅԱՆԻ հետ:

Ընդհանուր առմամբ` չնայած անձամբ չեմ ծանոթացել ամբողջությամբ սահմանադրական բարեփոխումների նախագծին, բայց դրական եմ վերաբերվում: Հակասություններ եմ տեսնում միայն երկու կետերի հետ կապված: Նախ` ես ընդհանրապես կողմնակից եմ, որ եթե մարդը կուսակցական չէ, սակայն մեծ հեղինակություն է վայելելում ժողովրդի շրջանում, հնարավորություն ունենա մտնել Ազգային ժողով: Ես, առհասարակ, չեմ ցանկանում երկիրը կուսակցականացնել եւ «100 տոկոսով համամասնական» կետը իմ սրտով չէ: Դեմ եմ, որ մեծամասնական չլինի: Ի՞նչ վատ է, որ մեկը կարող է կուսակցական չլինել, բայց իր ժողովրդի վստահությունը ստանալ: Ինչո՞ւ ստիպենք ամբողջ ազգին կուսակցականանալ, որ պատգամավոր դառնան:
Մեկ ուրիշ բան էլ է ինձ հունից հանում, եւ զարմանում եմ, թե ինչու է Հայոց եկեղեցին լռում, չի ընդդիմանում այս միասեռակաների ամուսնության վերաբերյալ: Այն դեպքում, երբ հենց եկեղեցին պետք է լինի առաջին պայքարողը էս հարցի վերաբերյալ: Մենք կարող ենք, իհարկե, վերցնել դրսից լավ դրույթներ եւ ընդգրկել մեր Սահմանադրության մեջ: Բայց միասեռականների մասին խոսելն անգամ արդեն ամոթ է, առավել եւս, որ նման հարց քննարկենք. միասեռականների հարցը քննարկման առարկա չէ, սա խայտառակություն է, ազգի անեծքը: Այլասերվածությունն էր մնացել, որ մեր ազգի մեջ քննարկման առարկա դարձնենք... Աշխարհում առաջինը քրիստոնեություն ընդունած ազգը միասեռականների հարցը եթե քննարկում է, ապա դա խայտառակություն էլ չէ, այլ աշխարհի վերջը:

«ԳՅՈՒՄՐԻՆ ԻՍԿԱԿԱՆ ԳՅՈՒՂԱՔԱՂԱՔԻ Է ՎԵՐԱԾՎՈՒՄ»

–Իսկ տեղյա՞կ եք գյումրեցիների շրջանում սահմանադրական բարեփոխումների հետ կապված  ինչ տրամադրվածություն է նկատվում:
– Գյումրին սահմանադրական բարեփոխումների վերաբերյալ հիմա այդքան շատ չի մտածում, ոնց որ մտածում է իր քաղաքի հետագա ճակատագրի վերաբերյալ: Որովհետեւ Գյումրին դառնում է Անին, ժամ առ ժամ դատարկվում է, ինչպես որ այն ժամանակ Լեւոն Տեր-Պետրոսյանն էր ասում` մեզ պետք չի 200 հազարանոց Լենինական: Այ հիմա Գյումրին իսկական գյուղաքաղաքի է վերածվում, այ դրա մասին է պետք լուրջ մտածել, Գյումրուն արտոնություններ են պետք:
– Պարոն Ղուկասյան, միշտ բարձրաձայնում եք, որ գյումրեցիների վիճակը գնալով վատանում է: Բայց Դուք էլ չէ՞ հնարավորություններ ունեք, ի՞նչ եք անում, որ շտկեք ստեղծված իրավիճակը:
– Զարմանալի է, զարմանալի հարցեր եք տալիս:
– Բայց ի՞նչն է զարմանալի:
– Ես ինչ որ ունեմ` անում եմ, բոլորն էլ լավ գիտեն, թե ես ինչ եմ անում, բոլորը գիտեն...
– Օրերս մամուլում տեղեկություն տարածվեց, որ 2016թ. քաղաքապետի ընտրություններին ընդառաջ` արդեն իսկ Գյումրիում ակտիվ հարցումներ են իրականացվում, թե ում են տեսնում քաղաքապետի պաշտոնում: Շրջանառվում է նաեւ Ձեր անունը:
– Հա հետո ինչ, դա հաստատ մեր կողմից չէ, որ իրականացվում է:
– Իսկ Դուք պատրաստվո՞ւմ եք առաջիկայում քաղաքականություն մտնել:
– Չի բացառվում, շատ հնարավոր է, բայց երբ ստույգ որոշեմ, կասեմ, հենց միտքս փոխվեց կհայտարարեմ: Էս պահի դրությամբ դեռ միտք չունեմ, հանգիստ եղեք:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝