«ԱՎԵԼԻ ԼԱՎ Է` ԱՐԱ ԱԲՐԱՀԱՄՅԱՆԸ ԼՈՒԾԻ ՌՈՒՍԱՀԱՅԵՐԻ ԽՆԴԻՐՆԵՐԸ»
Արխիվ 12-16
«ԱՎԵԼԻ ԼԱՎ Է` ԱՐԱ ԱԲՐԱՀԱՄՅԱՆԸ ԼՈՒԾԻ ՌՈՒՍԱՀԱՅԵՐԻ ԽՆԴԻՐՆԵՐԸ»
Օրերս Ռուսաստանի հայերի միության նախագահ ԱՐԱ ԱԲՐԱՀԱՄՅԱՆԸ հայտարարեց, որ ցանկություն ունի մասնակցելու 2017 թվականի խորհրդարանական ընտրություններին: Ա. Աբրահամյանը իր այս հայտարարությունն արել է ԱՄՆ-ում` 250 հայերի ներկայությամբ: Իր այդ ցանկությունը բացատրում է, թե՝ ցանկություն ունի ծառայել իր ժողովրդին: «Իրավունքը» զրուցեց հայաստանյան քաղաքագետների հետ եւ փորձեց պարզել, արդյո՞ք Արա Աբրահամյանը կարող է մասնակցել խորհրդարանական ընտրություններին եւ իրականում ո՞րն է նրա ցանկության իմաստը:
Քաղաքագետ ԼԵՎՈՆ ՇԻՐԻՆՅԱՆԻ խոսքով` դեռեւս պետք է պարզել, թե Արա Աբրահամյանին ռուսահայությո՞ւնն է գործուղում Հայաստան, թե նա իր անձնական նախաձեռնությամբ է առաջադրելու իր թեկնածությունը: «Եթե նրան գործուղում են, այդ մոտիվացիայով է նրա մասնակցությունը, իմ կարծիքով՝ սխալ է: Բացի այդ պարզ չէ, թե Աբրահամյանը Հայաստանի քաղաքացիություն ունի՞, թե ոչ: Անձամբ ես կտրականապես դեմ եմ Ռուսաստանից Հայաստան մարդ ուղարկելուն, քանի որ այդ քայլը մարդկանց մեջ ընդվզում կառաջացնի, ժողովուրդը վերջնականապես կդադարի մտածել, որ ինքն ունի պետականություն: Արա Աբրահամյանն ավելի լավ է լուծի ռուսահայության խնդիրները: Վտանգավոր է Ռուսաստանից պաշտոնյաների ներմուծումը Հայաստան: Հետաքրքիր է նաեւ, որ Արա Աբրահամյանն իր քարոզարշավն սկսել է ԱՄՆ-ից, այսինքն՝ ցանկանում է մտերմանալ նաեւ արեւմտահայության հետ: Պաշտոնյա դառնալու փոխարեն` խորհուրդ կտամ դառնան մանթաշյաններ ու արամյանցներ»:
ԱԺ ՀՀԿ խմբակցության պատգամավոր ԼԵՌՆԻԿ ԱԼԵՔՍԱՆՅԱՆԸ նշեց, որ ՀՀ սահմանադրությունը թույլատրում է ՀՀ յուրաքանչյուր քաղաքացու` մասնակցել ընտրությունների. «Բայց եթե Ա. Աբրահամյանը ՌԴ քաղաքացի է, ապա չի կարող մասնակցել: Ամեն դեպքում՝ հնարավոր եմ համարում նրա թեկնածությունը խորհրդարանական ընտրություններում»:
Քաղաքական եւ միջազգային փորձագետ ՌՈՒԲԵՆ ՄԵՀՐԱԲՅԱՆԸ չցանկանալով մեկնաբանել Արա Աբրահամյանի հայտարարությունները` զերծ մնաց կարծիք հայտնելուց. «Չեմ ցանկանում մեկնաբանել Արա Աբրահամյանի հայտարարությունը, որը կապված է նրա ցանկության հետ»:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
31107 դիտում
2
19189 դիտում
3
1750 դիտում
4
1649 դիտում
5
1546 դիտում
3
17693 դիտում
4
11364 դիտում
5
8086 դիտում
5
8286 դիտում
