Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

ՔՈՉԱՐՅԱՆԻ ՏԵՍԱԿԵՏԸ ՄՆԱՑ ԳԱՂՏՆԻ

Արխիվ 12-16

ՔՈՉԱՐՅԱՆԻ ՏԵՍԱԿԵՏԸ ՄՆԱՑ ԳԱՂՏՆԻ

 

ՀՀ նախկին նախագահ Ռոբերտ Քոչարյանի ակտիվացման մասին   խոսակցությունները դարձյալ շարունակվում են: Հրապարակված լուրերի համաձայն` նա պատրաստվում է  առաջիկայում մեծ հարցազրույցներով հանդես գալ, ինչպես նաեւ սատարել Վարդան Օսկանյանի կողմից ստեղծվելիք կուսակցությանն ու Արա Աբրահամյանին, ով, ըստ տեղեկությունների, ցանկություն ունի մասնակցել գալիք  խորհրդարանական ընտրություններին:

 

«Իրավունք»-ը փորձեց այս տեղեկությունները ճշտել պարոն Քոչարյանի մամլո խոսնակ Վիկտոր Սողոմոնյանից: Վերջինս, սակայն, նախ ասաց, որ չի ցանկանում մեզ հարցազրույց տալ: Երբ հստակեցրինք, որ հարցազրույց չենք ցանկանում վերցնել, այլ պրն Քոչարյանի հետ կապված տեղեկություն ճշտել, Վիկտոր Սողոմոնյանն այսպես արձագանքեց. «Դուք բավական ազատ ոճով գրում եք: Գուցե  դուք  ինքներդ գրեք այն, ինչ մտածում եք»:
Իհարկե, կարող ենք գրել, պրն Սողոմոնյան, բայց ցանկանում ենք տեղեկանալ` նախկին նախագահը  կսատարի՞ նախկին ԱԳ նախարարի կողմից ստեղծվելիք կուսակցությանը: Հարցին պատասխանելու փոխարեն էքս-նախագահի մամլո խոսնակը սկսեց երկար-բարակ քարոզներ կարդալ լրագրողական էթիկայի մասին. «Երբ լրագրողական էթիկային համապատասխան գրել կսոովորեք, այն ժամանակ զանգեք, ես կպատասխանեմ»:
Օսկանյանին սատարելու, նրա թիկունքին կանգնելու մասին  հարցադրումը նորից կրկնեցինք: Հարցը կարծես թե Վ. Սողոմոնյանի քիմքին հաճելի չէր. «Ես իմ պայմանն արդեն ասացի: Դուք աշխատեք (նկատի ունի լրագրողական էթիկայի հետ կապված իր մտքերն ընդունելը- խմբ.)  հետո զանգեք, միասին աշխատենք: Շնորհակալություն, հաջողություն»:
Չնայած ի՞նչ ասեր պարոն Սողոմոնյանը: Եթե հաստատի, թե Քոչարյանը կանգնած է Օսկանյանի թիկունքին, գործը միանգամից կձախողվի: Եթե հերքի, ոմանք սխալ մեսիջներ կստանան: Մնում է «լրագրողական էթիկայից» խոսելով` հարցը շրջանցել:
ՍՈՆԱ ԴԱՎԹՅԱՆ

 

Հավանեցի՞ր հոդվածը, կիսվիր ընկերներիդ հետ