«ԲՈՐՈՒՍԻԱՆ» ԷԼ ԴԱՐՁԱՎ ԱԴՐԲԵՋԱՆԱԿԱՆ ՔԱՂԱՔԱԿԱՆՈՒԹՅՈՒԱՆ «ԶՈՀԸ»
Արխիվ 12-16
«ԲՈՐՈՒՍԻԱՆ» ԷԼ ԴԱՐՁԱՎ ԱԴՐԲԵՋԱՆԱԿԱՆ ՔԱՂԱՔԱԿԱՆՈՒԹՅՈՒԱՆ «ԶՈՀԸ»
Հենրիխ Մխիթարյանը նոր մրցաշրջանում մեկնարկեց հիանալի: Սակայն դա դեռ միայն սկիզբն էր, հայ ֆուտբոլիստը շարունակում է ավելի զարգացնել հաջողությունը` Դորտմունդի «Բորուսիայի» կազմում դառնալով հրաշալի գոլերի եւ գոլային փոխանցումների հեղինակ:Մինչ Մխիթարյանը շարունակում է արդյունավետության անձնական ռեկորդներ սահմանել, նրա անվան շուրջ առաջ եկավ բավականին ուշագրավ` ոչ այնքան մարզական, որքան քաղաքական խնդիր, որը կարող է ցնցել ֆուտբոլային աշխարհը: Ինչպես հայտնի է՝ Եվրոպայի լիգայի խմբային մրցաշարում Դորտմունդի «Բորուսիայի» մրցակիցներից մեկը կլինի ադրբեջանական «Գաբալան», որի հետ երրորդ տուրի հանդիպումն Ադրբեջանում տեղի է ունենալու հոկտեմբերի 22-ին: Սակայն Մխիթարյանի մասնակցությունն այս խաղին կասկածի տակ է. ինչպես հայտնի է՝ Ադրբեջանից հնչում է սպառնալիք, թե հայ ֆուտբոլիստն այդ երկրի օրենսդրությամբ չի կարող ստանալ մուտքի վիզա, քանի որ եղել է Ղարաբաղում: Իսկ Բաքուն, ինչպես հայտնի է, Ղարաբաղ այցելողներին համարում է իր երկրի սահմանն ապօրինի հատած անձ,ովքեր Ադրբեջան այցելելու դեպքում կարող են ձերբակալվել: Էլ չասած, որ Ադրբեջանն առհասարակ մուտքի վիզա չի տրամադրում Հայաստանի քաղաքացիներին:
Իհարկե, դորտմունդյան ակումբի մամուլի քարտուղար Սաշա Ֆլիգեն ակումբի անունից հույս է հայտնել, որ Մխիթարյանը խնդիրներ չի ունենա հանդիպմանը մեկնելիս, բայց դժվար է պատկերացնել, որ Ադրբեջանին դա կարող է հետաքրքրել: Ընդ որում, այս հարցի հետ կապված բավականին հետաքրքիր «բանավեճ» է սկսել զարգանալ, որտեղ քննարկվում են Ադրբեջանի հնարավոր քայլերը: Առաջինը՝ մինչեւ վերջ թույլ չի տալիս Մխիթարյանի մուտքը, եւ եթե «Բորուսիան» էլ որոշի մինչեւ վերջ գնալ, ապա, ըստ մասնագետների, կարող է հասնել խաղն առհասարակ Ադրբեջանից տեղափոխելուն: Հաջորդը՝ Բաքուն մարզական ազատությունների պատճառաբանությամբ չի արգելի Մխիթարյանին իր երկիր մտնել: Բայց այս դեպքում էլ կա այն վտանգը, որ խաղը կարող է անկանխատեսելի ընթացք ստանալ, հատկապես, եթե Մխիթարյանը «հանդգնի» գոլ խփել:
Արդյունքում, թեեւ ՈւԵՖԱ-ն ամենաբարձր մակարդակով հույս է հայտնել, թե ամեն ինչ կանի, որ «ցանկացած ֆուտբոլիստ իրավունք ստանա մասնակցելու մեր մրցաշարերին՝ անկախ քաղաքացիությունից եւ ելքի իրավունք կամ վիզայի թույլտվություն ստանալուց», սակայն որոշ մասնագիտական աղբյուրներ ակնարկում են, որ ամենայն հավանականությամբ կփորձեն ավելորդ լարվածության չգնալ: Այսինքն՝ Մխիթարյանին միգուցեեւ թույլատրեն Ադրբեջան մեկնել, սակայն նա ամենայն հավանականությամբ չի էլ մեկնի, մեկնելու դեպքում էլ՝ խաղին չի մասնակցի: Ասենք՝ դա ձեռնտու է նաեւ «Բորուսիային», քանի որ Մխիթարյանի ներկայությունը դաշտում առաջ կբերի թիմի նկատմամբ հանդիսատեսի ամենակոպիտ ռեակցիան: Առավել եւս, որ ադրբեջանական «Գաբալան» ամենեւին էլ այն թիմը չէ, որին հաղթելու համար «Բորուսիան» ունենա Մխիթարյանի կարիքը:
ՔՐԻՍՏԻՆԵ ՊԵՏՐՈՍՅԱՆ
Բաժանորդագրվե՛ք https://t.me/iravunk
1
31151 դիտում
2
1866 դիտում
3
1760 դիտում
4
1588 դիտում
5
1535 դիտում
2
19203 դիտում
3
17693 դիտում
4
11364 դիտում
5
8086 դիտում
5
8286 դիտում
