Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

ՔՈՉԱՐՅԱՆԻ ՄԱՄԼՈ ԽՈՍՆԱԿՆ ՈՒՐԻՇ ՄԱՍՆԱԳԵՏԻ ԿԱՐԻ՞Ք ՈՒՆԻ

Արխիվ 12-16

ՔՈՉԱՐՅԱՆԻ ՄԱՄԼՈ ԽՈՍՆԱԿՆ ՈՒՐԻՇ  ՄԱՍՆԱԳԵՏԻ

ԿԱՐԻ՞Ք ՈՒՆԻ

 

ՀՀ նախկին նախագահ Ռոբերտ Քոչարյանի ակտիվացման մասին   խոսակցությունները դարձյալ շարունակվում են: Հրապարակված լուրերի համաձայն` Ռոբերտ Քոչարյանը պատրաստվում է  առաջիկայում մեծ հարցազրույցներով հանդես գալ, ինչպես նաեւ սատարել Վարդան Օսկանյանի կողմից ստեղծվելիք կուսակցությանն ու Արա Աբրահամյանին, ով, ըստ տեղեկությունների, ցանկություն ունի մասնակցել գալիք  խորհրդարանական ընտրություններին:

«Իրավունք»-ը փորձեց այս տեղեկությունները ճշտել պարոն Քոչարյանի մամլո խոսնակ Վիկտոր Սողոմոնյանից: Վերջինս, սակայն, նախ ասաց, որ չի ցանկանում մեզ հարցազրույց տալ: Երբ հստակեցրինք, որ հարցազրույց չենք ցանկանում վերցնել, այլ պրն Քոչարյանի հետ կապված տեղեկություն ճշտել, Վիկտոր Սողոմոնյանն այսպես արձագանքեց. «Դուք բավական ազատ ոճով գրում եք: Գուցե  դուք  ինքներդ գրեք այն, ինչ մտածում եք»:

Իհարկե, կարող ենք գրել, պրն Սողոմոնյան, բայց, այնուամենայնիվ, ցանկանում ենք տեղեկանալ` նախկին նախագահը  կսատարի նախկին ԱԳ նախարարի կողմից ստեղծվելիք կուսակցության ստեղծման աշխատանքներին: Հարցին պատասխանելու փոխարեն էքս նախագահի մամլո խոսնակը սկսեց երկար-բարակ լո-լո-ներ կարդալ  լրագրողական էթիկայի մասին. «Երբ լրագրողական էթիկային համապատասխան գրել կսոովորեք, այն ժամանակ զանգեք, ես կպատասխանեմ»:

Հակադարձեցինք Վիկտոր Սողոմոնյանին` հիշեցնելով, որ նրա բոլոր պարզաբանումները  անխտիր հրապարակել ենք, իսկ թե լրագրողը դրանից զատ, ինչ կարծիք կարող է գրել, դա իր իրավունքն է: «Լրագրողական էթիկան կարծիք արտահայտելու մեջ չէ, այլ ձեւակերպումների: Մտածեք ձեր ձեւակերպումների մասին, հետո զանգեք»:

Օսկանյանին սատարելու, նրա թիկունքին կանգնելու մասին  հարցադրումը նորից կրկնեցինք: Հարցը կարծես թե Վ. Սողոմոնյանի քիմքին հաճելի չէր. «Ես իմ պայմանն արդեն ասացի: Դուք աշխատեք (նկատի ունի լրագրողական էթիկայի հետ կապված իր «պայծառ» մտքերն ընդունելը-խմբ.)  հետո զանգեք, միասին աշխատենք: Շնորհակալություն, հաջողություն»:

Հ.Գ. Տեղին է հիշել Ռոբերտ Քոչարյանի հայտնի խոսքը այլ մասնագետի մասին: Պրն Սողոմոնյան, դուք հավանաբար ուրիշ մասնագետի կարիք ունեք: Իսկ մենք, միեւնույն է, գրելու ենք, այն ինչ տեսնում ու կարծում ենք: Լրագրողական էթիկայի մասին ձեր «բարձրակոչ» մտքերը հնչեցրեք այլ տեղում ու այլ մարդկանց համար:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ