ՈՎ ԿԿՐԻ ՔԱՂԱՔԱԿԱՆ ԴԱՇՏՈՒՄ ԱՄԵՆԱԸՆԴԴԻՄԱԴԻՐԻ ՏԻՏՂՈՍԸ
Արխիվ 12-16
ՈՎ ԿԿՐԻ ՔԱՂԱՔԱԿԱՆ ԴԱՇՏՈՒՄ ԱՄԵՆԱԸՆԴԴԻՄԱԴԻՐԻ ՏԻՏՂՈՍԸ
Մեր տեղեկություններով` օրերս ՀԱԿ խմբակցության պատգամավոր Նիկոլ Փաշինյանի կողմից ստեղծված կուսակցությունը` «Քաղաքացիական պայմանագիր» անվանմամբ, գրանցել են: Չնայած նրան, որ վերջին շրջանում եղան գործիչներ, ովքեր փորձեցին ստեղծել կուսակցություն կամ գոնե հայտարարեցին դրա մասին, գրանցման առումով անհաջող ընթացք ունեցան: Զորօրինակ ԱԺ պատգամավոր Տիգրան Ուրիխանյանի կողմից ստեղծված «Ալյանս» կուսակցությունը չգրանցվեց, որի համար նրանք ստիպված եղան օգոստոսի 29-ին երկրորդ անգամ, բայց արդեն փակ համագումար անցկացնել, իսկ թե ինչ կլինի հետագայում, դեռ պարզ չէ: Այս ամենը որոշ շրջանակների մոտ խանդի տեսարաններ է ստեղծում, թե ինչու պետք է Փաշինյանի կուսակցությունը, որն ի դեպ այդքան էլ մարդաշատ չէր իր համագումարին, պետք է արտոնություն ունենա եւ այս կերպ քաղաքական դաշտում կրի ամենաընդդիմադիրի տիտղոսը: Չնայած, կրկին մեր տեղեկություններով, Փաշինյանը այս օրերին գտնվում է Միացյալ Նահանգներում, որպեսզի մի կլորիկ գումար հայթայթի` նորաթուխ կուսակցության առաքելությունն իրականացնելու համար: Իսկ թե ինչու Միացյալ Նահանգներից` դա թողնում ենք ընթերցողի հայեցողությանը, չէ որ խորհրդարանում իշխանությունների վրա ամենաբարձր գոռացողը համարվում է Փաշինյանը, որից մասնաբաժին է հասնում նաեւ «հարազատ» խմբակցությանը:
Ի դեպ, կան լուրեր նաեւ, որ նոր կուսակցություն է պատրաստվում գրանցել տխրահռչակ Վարդան Օսկանյանը: Հասկանալի է, որ դա լինելու է ՀՀ երկրորդ նախագահ Ռոբերտ Քոչարյանի վերջին քաղաքական հենարանը կամ հանգրվանը: Կան լուրեր, որ Օսկանյանը կուսակցության մասին կհայտարարի Ռ. Քոչարյանի սահմանադրական բարեփոխումների մասին հայտարարությունից հետո, որտեղ նա ամենայն հավանականությամբ դեմ կարտահայտվի:
Մեկ այլ նորաստեղծ կուսակցություն է մոգոնել վանաձորցի պատգամավոր Էդմոն Մարուքյանը: Սակայն նա դժվար թե կարողանա զավթել ընդդիմադիրի տիտղոսը, քանի որ ներքաղաքական հարցերում Մարուքյանը լուրջ ընդդիմություն լինել չի կարող, ինչը ցույց է տալիս փորձը: Նրա հիմնական ընդդիմադիր կեցվածքը կլինի արտաքին քաղաքականության հարցերում` որպես թունդ հակառուսական եւ նույնքան թունդ արեւմտամետ գործիչ:
ԱՐՄԵՆՈՒՀԻ ՀԱԿՈԲՅԱՆ
Բաժանորդագրվե՛ք https://t.me/iravunk
1
31102 դիտում
2
19189 դիտում
3
1750 դիտում
4
1649 դիտում
5
1537 դիտում
3
17693 դիտում
4
11364 դիտում
5
8086 դիտում
5
8286 դիտում
