Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

Իտալացի դիրիժորն ու բաս-բարիտոնը «հարստացրել» են Ադրբեջանի «սեւ ցուցակը»

Արխիվ 12-16

Իտալացի դիրիժորն ու բաս-բարիտոնը

«հարստացրել» են  Ադրբեջանի «սեւ ցուցակը»


Այսօր Ստեփանակերտի Վերածննդի հրապարակում կհնչի համաշխարհային դասական երաժշտության գլուխգործոցներից մեկը` Ջուզեպպե Վերդիի «Ռեքվիեմը»` ի հիշատակ Հայոց ցեղասպանության անմեղ զոհերի եւ Արցախի անկախության համար իրենց կյանքը նվիրաբերած նահատակների: Համերգի գեղարվեստական ղեկավարն է ՌԴ վաստակավոր արտիստ, օպերային դիվա ԼՅՈՒԲՈՎ ԿԱԶԱՐՆՈՎՍԿԱՅԱՆ:

Ադրբեջանի արտգործնախարարության մամուլի խոսնակ Հիքմեդ Գաջիեւը հայտարարել էր, որ բոլոր այն օտարերկրացիները, ովքեր Արցախում կմասնակեն այսօր կայանալիք Լ. Կազարնովսկայի համերգին, կհայտնվեն Ադրբեջանի  «սեւ ցուցակում»:

Լ. Կազարնովսկայայի հետ միասին Ապրիլի 24-ին «24/04» համաշխարհային նվագախումբը ղեկավարած իտալացի դիրիժոր, «Ալ Բուստան» միջազգային երաժշտական փառատոնի գեղարվեստական ղեկավար ՋԱՆԼՈՒԿԱ ՄԱՐՉԻԱՆՈՆ եւ իտալացի բաս-բարիտոն  ՆԻԿՈԼԱ ՈՒԼԻՎԵՐԻՆ հարստացրել են ադրբեջանի զավեշտի հասնող «սեւ ցուցակը»`Արցախում համերգին ներկա լինելու համար: Ադրբեջանական լրատվամիջոցները, մեջբերելով մաեստրո Մարչիանոյի խոսքերն այն մասին, որ ինքը մտավախություն չունի հայտնվել Ադրբեջանի «սեւ ցուցակում», նշում են, որ «Սահմանի մասին» օրենքի համաձայն՝ ԼՂՀ այցելած անձինք կպատժվեն, անհրաժեշտության դեպքում կենթարկվեն քրեական պատասխանատվության։

Ի հեճուկս Ադրբեջանի Ջանլուկա Մարչիանոն իր ֆեյսբուք սոցիալական ցանցում պարբերաբար տեղադրում է արցախյան իր ուղեւորության նկարները:

Հիշեցնենք, որ այսօր Ջանլուկա Մարչիանոն Ստեփանակերտում ներկա է գտնվելու Վերդիի «Ռեքվիեմի» արցախյան պրեմիերային։ Նրան մշակութային այս իրադարձությանը հրավիրել է ՀՀ նախագահի տիկին Ռիտա Սարգսյանը։

Օրեր առաջ դիրիժոր Ջանլուկա Մարչիանոն, պատասխանելով հայ լրագրողների հարցին՝ Արցախ այցելելով՝ մտավախություն չունի, թե կհայտնվի Ադրբեջանի «սեւ ցուցակում», մաեստրոն պատասխանել էր. «Սեպտեմբերի 1-ին կայանալիք նախագիծը մշակույթի միջոցով խոսում է խաղաղության մասին, եւ շատ ուրախ եմ մասը կազմել այդ միջոցառման։ Ինձ չեն կարող հետ կանգնեցնել ինչ-որ քաղաքական հարցեր։ Սա հենց այնպիսի մշակութային ծրագիր է, որը կոչ է անում բացել սահմանները, ապրել խաղաղությամբ, եւ ոչ մի արտիստ, կարծում եմ, նման միջոցառումներից հետ չի կանգնի»։

Եթե ամեն ինչ այս տեմպերով շարունակվի, ապա շուտով Ադրբեջանի աբսուրդի հասնող «սեւ ցուցակը» կվերածվի սովորական պարտքերի ցուցակի, որը հետո ստիպված դեն են նետում` պարտքերը չմարված:


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ