Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

«ՏՈԿԱ, ՏՈԿԱ ԱՐՄԵՆԻԱ». FLY PROJECT-Ի ՀԱՄԵՐԳԸ ՎԵՐԱԾՎԵՑ ԹԱՑ ՄԵԳԱՓԱՐԹԻԻ (Ֆոտոշարք)

Արխիվ 12-16

«ՏՈԿԱ, ՏՈԿԱ ԱՐՄԵՆԻԱ». FLY PROJECT-Ի ՀԱՄԵՐԳԸ ՎԵՐԱԾՎԵՑ ԹԱՑ ՄԵԳԱՓԱՐԹԻԻ (Ֆոտոշարք)

 

Լավ երաժշտություն, կատաղի անձրեւ ու ռումինական կիսամերկ հետույքներ… Հենց այսպես` ոչ ստանդարտ ձեւաչափով էլ սկսվեց  մեգափարթիների աստղ դարձած FLY project պարային եւ լատինո ոճի փոփ ռումինական խմբի հայաստանյան մենահամերգը: Իսկ մինչ կժամանեին ռումինացի հյուրերը, ներկաները մի լավ թրջվեցին ու պարեցին հայ դիջեյների` DJ Vakcina-ի, DJ Smoke-ի, DJ Arni Rock-ի եւ DJ Dale-ի երաժշտության, ինչպես նաեւ Իվետա Մուկուչյանի երգերի ներքո:

«Իրավունքը» ներկա լինելով ակումբային ռումինական միջոցառմանը` զրուցեց այն դերասանների հետ, ովքեր եկել ու ակտիվ մասնակցում էին ակումբային երեկոյին:

 

«ՀԻՆԳ-ՎԵՑ ՏԱՐԻ ԱՌԱՋ ԱԿՈՒՄԲԱՅԻՆ ՄԻՋՈՑԱՌՈՒՄՆԵՐՆ ԱՎԵԼԻ ԼԱՎ ԷԻՆ ԱՆՑՆՈՒՄ, ՔԱՆ ՀԻՄԱ»


Մինչ բեմահարթակում կհայտնվեր Fly project խումբը, դերասան ԱԼԵՔՍԱՆԴՐ ԲԱԲԱՍՅԱՆՆ, ով եկել էր տիկնոջ հետ, խոսեց երեկոյից ունեցած սպասելիքների մասին.

- Եղանակային պայմանները խանգարեցին ու մինչեւ հիմա դեռ սպասելիքները չեն արդարացվել: Բայց որակյալ երաժշտություն ենք լսում, չէ՞ որ մեր առաջատար դիջեյներն են նվագում, եւ ուզում ենք լավ համերգ լինի, որպեսզի մի լավ ուրախանանք:  Վստահ եմ, որ վերջում լավ կլինի, քանի որ միջոցառումների երկրորդ մասը միշտ ավելի հետաքրքիր է լինում:

- Դուք նշեցիք մեր առաջատար դիջեյների մասին, բայց այսօր շատերն այստեղ են հենց FlY project-ի կատարումների համար: Արդյո՞ք Ձեզ համարում եք նրանց երկրպագուներից մեկը:

- Անկեղծ ասած, չեմ համարում ինձ նրանց երկրպագուներից, բայց եկել եմ լավ օրվա ակնկալիքով:  FLY project-ը ունի կատարումներ, որ մեր հայ հանդիսատեսը, ինչպես եւ ես նույնիսկ չենք լսել, հուսով եմ` այսօր կլսենք եւ ավելի լավ տպավորություններով կհեռանանք նրանց համերգից:

- Ընդհանրապես, ի՞նչ կասեք հայաստանյան ակումբային միջոցառումների մասին:

- Իմ կարծիքով 5-6 տարի առաջ ակումբային միջոցառումներն ավելի լավ էին անցկացվում, քան հիմա, թեպետ այս հարցում բավական առաջ ենք գնացել: Պետք է ավելի գեղեցիկ միջոցառումներ կազմակերպվեն, որպեսզի, իրոք, այն դառնա «փարթի», որտեղ մարդիկ կգան կխմեն, կուրախանան եւ կպարեն անկախ նրանից, թե ով ինչպես է կարողանում պարել, այսինքն` ազատ կլինեն իրենց շարժումների մեջ: Մինչդեռ այսօր, կարծես, միջոցառումները միայն դեռահասների համար լինեն, որոնք ավելի լավ են ուրախանում անկախ երաժշտությունից: Նույնիսկ չեմ կարող բացատրել, թե ինչից է:

- Գուցե տարիքի հե՞տ է կապված, թե, չկա Ձեզ համար մի տարիք, երբ այլեւս ակումբային միջոցառումների չեք մասնակցի:

- Միգուցե նաեւ իմ տարիքն է անցել այդ միջոցառումներին ուրախանալու, բայց, համենայն դեպս, մոտավորապես երկու տարի Մոսկվայում եմ եղել եւ այնտեղ լավ միջոցառումների եմ մասնակցել եւ ուրախացել եմ: Այնպես որ, ըստ իս, երաժշտությունից եւ կազմակերպիչներից է ամեն ինչ գալիս: Եթե լավ երաժշություն եղավ ու կազմակերպված երեկո ապահովեցին, ապա ցանկացած մարդ կուրախանա անկախ տարիքից, որովհետեւ 40-50 տարեկան մարդիկ, ինչպես տեսնում ենք, միջոցառման բոլոր երիտասարդներից էլ լավ են ուրախանում:


«ՀՈՒՍՈՎ ԵՄ` ՄԻ ՕՐ ՄԵԶ ՄՈՏ ԷԼ ԿԼԻՆԵՆ ՖԻԵՍՏԱՆԵՐ»


Իսկ պարահրապարակում հանդիպեցինք մոդել, Oպերայի եւ բալետի ազգային ակադեմիական թատրոնի դերասան ԴԱՎԻԹ ՂԱՐԻԲՅԱՆԻՆ, ով թրջվում էր անձրեւի տակ ու պարում մի գեղեցկուհու հետ: Իհարկե, նախեւառաջ հետաքրքրվեցինք նրանից, թե արդյոք լքել է ցանկալի փեսացուների շարքն ու գտել իր կյանքի կեսին, սակայն այս մասին կարճ պատասխանեց.

- Գեղեցկուհի անծանոթուհին «Miss Fashion Beauty» Հայաստանն է, ում պրոդյուսերությամբ եմ ես այժմ զբաղվում:

- Դավիթ, որքանո՞վ արդարացվեցին այս երեկոյից Ձեր սպասելիքները:

- Իրականում ակնկալիքներով չէի եկել, պարզապես եկել էի մի փոքր լիցքաթափվելու եւ ծանոթանալու FLY project-ի հետ:

- Իսկ Ձեզ համարո՞ւմ եք ռումինական փոփ խմբի երկրպագուներից մեկը:

- Ծանոթ չեմ եղել FLY project-ի կատարումներին, բայց նկատեցի, որ որոշակի զանգված երկրպագում է իրենց, որը ողջունելի է: Որպես պրոդյուսեր` կասեմ, որ  որակ կա, պարզապես, պետք է շատացնեն իրենց երգացանկը, քանի որ երեկոյի վերջնամասում արդեն սպառվել էր…

- Որքան հաճախ եք մասնակցում նման ակումբային միջոցառումների եւ համարո՞ւմ եք, որ ակումբային մշակույթը զարգացած է Հայաստանում:

- Ներկայումս գրեթե չեմ հաճախում ակումբներ, բայց նախկինում շատ եմ մասնակցել, հատկապես Իսպանիայում ֆիեստաների: Ինչ վերաբերում է հայաստանյան ակումբային մշակույթին, ապա ասեմ, որ մենք շատ տաղանդավոր դիջեյներ ունենք, պարզապես, համապատասխան ակումբները շատ քիչ են: Ուստի` այդ ասպարեզի մարդկանց մաղթում եմ հաջողություն զարգացման գործընթացում եւ հուսով եմ` մի օր մեզ մոտ էլ կլինեն ֆիեստաներ:


«ԱՎԵԼԻ ՇԱՏ ԵԿԵԼ ԵՄ ՄԵՐ ԴԻՋԵՅՆԵՐԻ ՀԱՄԱՐ»


Դերասանուհի ՄԱՆՈ ԳՐԻԳՈՐՅԱՆԸ նույնպես ակումբային կյանքով չի ապրում, բայց այս երեկո եկել էր FLY project-ի համերգին մեկ նպատակով.

- Աշխատանքային օրվանից հետո եկել եմ ճաշակով երաժշտություն լսելու եւ կփորձեմ  կտրվել ծանր առօրյայից եւ մի քիչ կլիցքաթափվեմ ու կպարեմ:

- Հաճա՞խ կարելի է Ձեզ տեսնել նման միջոցառումների մասնակցելիս:

- Ցավոք սրտի, ոչ միշտ է ստացվում: Ավելի շատ լինում եմ օպերայում եւ թատրոններում: Նման կարգի ակումբային վիճակի մեջ, կարելի է ասել, վաղուց է, ինչ չէի եղել: Ասեմ, որ բավականին հետաքրքիր է այս բացօթյա միջոցառումը, անձրեւը, երաժշտությունը…  ամեն ինչը տրամադրում է, որ մի փոքր լիցքաթափվենք:

- Այսինքն` կարելի՞ է ասել, որ հատուկ FLY project-ի համար չեք այստեղ, այլ լավ երեկոյի:

- Այս դեպքում կարող եմ ասել, որ ավելի շատ եկել եմ մեր դիջեյների համար: Բնականաբար, Fly projecti-ի մասին լսել եմ եւ իրենց հայտնի երգերը գիտեմ, բայց որպես նրանց երկրպագու ինձ չեմ համարում:

Ամեն դեպքում, երեկոյի ընթացքում հաջողվեց FLY project-ին առնվազն կրկնապատկել իրենց հայաստանյան երկրպագուների թիվը, հատկապես այն բանից հետ, երբ նրանց մեգահիթը` «Տոկա, տոկա»-ն հայաստանյան բեմում դարձավ «Տոկա, տոկա Արմենիա»: Ընդորում, երեկոյից որքան տպավորված էին մասնակիցները, նույնքան էլ ռումինական խումբը, որոնք համերգի վերջում ավանդական դարձած սելֆի արեցին թրջված ու խելակորույս պարող հանդիսատեսի հետ եւ շնորհակալություն հայտնեցին գեղեցիկ երեկոյի համար:



Նյութը եւ լուսանկարները` ՀՐԱՆՏ ՍԱՐԱՖՅԱՆԻ

Հավանեցի՞ր հոդվածը, կիսվիր ընկերներիդ հետ