22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN

Զարմացած

Արխիվ 12-16

Ինչպես հայտնի է, արդարադատության նախարար ՀՈՎՀԱՆՆԵՍ ՄԱՆՈՒԿՅԱՆԸ հրաժարականի դիմում էր ներկայացրել դեռ հուլիսի 14-ին: Բայց զարմանքով պետք է արձանագրենք, որ այդ դիմումը, թերեւս, յուրահատուկ «թուղթ ու գիր» էր, քանզի առավել քան 40 օր անց էլ այդպես էլ պարզ չէ, թե ով կզբաղեցնի այդ պաշտոնը: ՀՀԿ գործադիր մարմնի երեկվա նիստում էլ, ըստ ՀՀ մամլո խոսնակ Էդուարդ Շարմազանովի` արդարադատության նախարարի հարց չի քննարկվել. «Կա արդարադատության նախարարի պաշտոնակատար եւ համապատասխան ժամկետներում կնշանակենք նոր նախարարին»:


Մեզ բավականին զարմացրեց եւ Արթուր Բաղդասարյանի անվան հետ կապվող «ՀԱՅԱՍԻ» ընկերությունը: Մեր թղթակցի փորձերը` հենց ընկերությունից պարզել մամուլում առկա տեղեկությունները` «Հայասիի» կողմից «սամագոնի» տարբերակով շոտլանդական վիսկի արտադրելու եւ դրա կապակցությամբ իրավական խնդիրներ ունենալու մասին լուրերի իսկությունը, բավականին հետաքրքիր ընթացք ստացան: Այդ հիմնարկում պարտիզանի պես ամեն ինչ արեցին, որ թղթակիցը չկարողանա խոսել տնօրենի հետ, անընդհատ ինչ-որ հեռախոսահամարներ էին տալիս, որոնցով զանգահարելուց հետո տալիս էին նոր հեռախոսահամար: Այդ «հեռախոսաֆուտբոլի» արդյունքում, ի վերջո, հեռախոսը վերցրեց «Հայասիի» հաշվապահը, որը տեղում որեւէ պարզաբանում տալուց հրաժարվեց, մի բան էլ հաթաթա տվեց մեր թղթակցին, որ եթե իր անունը հիշատակվի, ապա «վատ կլինի»: Ինչեւէ, այդ «սամագոնչիկների» հիմնարկությանը բարեկամաբար խորհուրդ կտանք բարեկրթության սահմաններում շփվել մեր լրագրողների հետ, այլապես կարող ենք երաշխավորել, որ հենց իրենց համար լիքը պրոբլեմներ կստեղծենք:
Ճակատագրի հեգնանք` իր կուսակցության բուն անունը` ՀՀՇ, ուրացած եւ ՀԱԿ անունը ընտրած ԼԵՎՈՆ ՏԵՐ-ՊԵՏՐՈՍՅԱՆԻ թիմը հայտնվել է լրիվ լուսանցքային վիճակում: Կարճ ասած` նրանց գործերը լրիվ ՀԱԿմեջ են, իսկ ՀՀՇ անվանը հավատարիմ մնացած գործիչները հանդիպեցին հանրապետության նախագահի հետ: Ճիշտ է, հանդիպողների մեջ էր եւ իր որակներով ո՛չ բնությանը, ո՛չ մարդկությանը պիտանի չլինող Ալիկ Արզումանյանը, սակայն պարզվում է, որ ավելի լավ է լինել այդպիսին, բայց չուրանալ սեփական անունը, քան լինել դոկտոր-պրոֆեսոր եւ մեռած լեզուների մասնագետ-ինտելեկտուալ եւ ուրացման հետեւանքով սեփական թիմին գցել այդ մեռած լեզուների օրը:
Իսկ հիմա մի զարմանալի լուր Եվրոպայից: Իսպանաբնակ ՋԵՆԵԹ ՈՒԻԼՔԻՆՍՈՆԸ սկսել է էլեկտրոնային ստորագրահավաք` ֆեմինիզմը ահաբեկչությանը հավասարեցնելու պահանջով, եւ շատ արագ հավաքվել է 10 հազար ստորագրություն: «Տարիներ շարունակ ֆեմինիզմը ճնշել է կանանց եւ տղամարդկանց, որոնք պարզապես ցանկանում են իրենց կյանքով ապրել: Եղել են դեպքեր, երբ այդ ճնշումը տղամարդկանց նկատմամբ ֆիզիկական ազդեցության է վերածվել»,- նշել է հեղինակը: Նախաձեռնողը նաեւ կոչ է արել արգելել կանանց համար նախատեսված դասընթացները, որտեղ նրանց «ուղեղը լվանում են»` ստիպելով իրենց զոհ զգալ: Դե, եթե արդեն Եվրոպայում են զզվել ֆեմինիզմից, կարելի է պատկերացնել, թե ինչպիսի գարշանք են պատճառում ֆեմինիստական կազմակերպությունները մեր ժողովրդին, ով դրանց իրավացիորեն բնութագրում է «թոկը կտրած»:

Զարմացած է  
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ