«ՈՉ ԹԱԼԱՆԻՆ»-Ը ԿՈՉ Է ԱՆՈՒՄ ՓՄՁ-Ի ՆԵՐԿԱՅԱՑՈՒՑՉՆԵՐԻՆ ՈՉ ՄԻ ԹՈՒՂԹ ՉՍՏՈՐԱԳՐԵԼ
Արխիվ 12-16
«ՈՉ ԹԱԼԱՆԻՆ»-Ը ԿՈՉ Է ԱՆՈՒՄ ՓՄՁ-Ի ՆԵՐԿԱՅԱՑՈՒՑՉՆԵՐԻՆ
ՈՉ ՄԻ ԹՈՒՂԹ ՉՍՏՈՐԱԳՐԵԼ
«Ոչ թալանին» նախաձեռնության անդամներ Արթուր Քոչարյանը, Արտուշ Չիբուխչյան, Միհրան Ավագյանն այսօր լրագրողների հետ զրույցում հայտարարեցին, որ վերջերս ՓՄՁ-ի կողմից տարբեր ահազանգեր են ստանում: Բանն այն է, որ ՀԷՑ-ի ներկայացուցիչները առաջարկում են ստորագրել ինչ-որ փաստաթուղթ, ըստ որի` նրանք համաձայն են վճարել հոսանքի գինը թանկացված չափով:
«Բայց Սերժ Սարգսյանը հայտարարել է, որ կառավարությունն ամբողջ բեռն իր վրա է վերցնում, այսինքն` խոշոր ձեռնարկատերերին չսուբսիադավորելու մասին խոսք չի չեղել: Սերժ Սարգսյանի հայտարարությունից հետո վարչապետը հայտարարեց, որ խոշոր բիզնեսին չի սուբսիդավորելու, իսկ փոքր եւ միջին բիզնեսին սուբսիդավորելու հարցը դեռ քննարկման մեջ է: Այսինքն` իրար հակասող հաստատություն: Վարչապետի հայտարարությունից հետո, սակայն, տպավորությունն այնպիսին է, որ ՀԷՑ-ն արհամարհում է վերոնշյալ պաշտոնյաների հայտարարությունը, քանի որ թղթեր է դեմ տալիս ՓՄՁ-ի ներկայացուցչին»,- ասաց Արտուշ Չիբուխչյանը:
Նախաձեռնության անդամները կոչ են անում ՓՄՁ-ի ներկայացուցիչներին ոչ մի փաստաթուղթ չստորագրել, քանի որ Սերժ Սարգսյանը հայտարարել է` ամբողջ բեռն իր վրա է վերցնելու կառավարությունը:
Նախաձեռնության անդամների տեղեկացմամբ ՓՄՁ-ի այն ներկայացուցիչները, որոնք հրաժարվում են ստորագրել ՀԷՑ-ի ներկայացուցիչների տրամադրած փաստաթուղթը, սպառնում են: «Ոչ թալանին»-ի անդամները հորդորում են ՓՄՁ-ի ներկայացուցիչներին ոչ մի թուղթ չստորագրել:
Սեպտեմբերի մեկից «Ոչ թալանին» նախաձեռնությունը անհնազանդության ալիք է սկսելու: Կոչ ենք անում բոլորին հավաքվել Սիրահարների այգում սեպտեմբերի մեկին` ժամը 16:00-ին:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31127 դիտում
2
19203 դիտում
3
1750 դիտում
4
1659 դիտում
5
1569 դիտում
3
17693 դիտում
4
11364 դիտում
5
8086 դիտում
5
8286 դիտում
