Երեւան ժամանած ռումինական աստղերը գոհ են. «Ուրախ եւ թույն հանդիպում էր մեր խմբի երկրպագուների հետ»

ԵՐԵՎԱՆ ԺԱՄԱՆԱԾ ՌՈՒՄԻՆԱԿԱՆ ԱՍՏՂԵՐԸ ԳՈՀ ԵՆ. «ՈՒՐԱԽ ԵՎ ԹՈՒՅՆ ՀԱՆԴԻՊՈՒՄ ԷՐ ՄԵՐ ԽՄԲԻ ԵՐԿՐՊԱԳՈՒՆԵՐԻ ՀԵՏ» (Տեսանյութ)

Ինչպես արդեն գրել է «Իրավունքը», օգոստոսի 26-ին երեկոյան Հայաստան է ժամանել հանրաճանաչ «Fly Project» պարային եւ լատինո ոճի փոփ ռումինական խումբը, որոնք առավել հայտնի են իրենց մեգահիթերով, քան անունով: Ամփոփելով խմբի հայաստանյան այցի առաջին օրը` նշենք, որ մեգափարթիների ասղտերը առավոտյան ասուլիս են տվել Աբովյան քաղաքում, որին մասնակցել է նաեւ ՀՀ-ում Ռումինիայի արտակարգ եւ լիազոր դեսպան Վասիլե Սորինը: Այնուհետեւ խումբը ներկա է եղել Աբովյանի քաղաքապետ Վահագն Գեւորգյանի կազմակերպած ընդունելությանը, որտեղ հնչել է ազգային երգ ու պար: Ընդգծենք, որ ռումինացի հյուրերը բավական անմիջական են հայ երկրպագուների հետ եւ ինչպես Աբովյանում, այնպես էլ ժամեր առաջ Երեւանում նրանք հանդիպել ու հարյուրավոր ստորագրություններ են բաշխել նրանց եւ, իհարկե, արդեն իսկ համացանցը ողողված է «Fly project» խմբի եւ հայ երկրպագուների լուսանկարներով: Ի դեպ խմբի անդամները «Fly project»-ի պաշտոնական էջում այսպիսի գրառում են թողել. «Ուրախ եւ թույն հանդիպում էր մեր խմբի երկրպագուների հետ Օպերայի հրապարակում»:

Հիշեցնենք, որ այսօր` օգոստոսի 28-ին, կկայանա ռումինական խմբի հայաստանյան համերգը, որը  մաս կկազմի նրանց «Most Wanted Tour» խորագիրը կրող հյուրախաղերի:

Նյութը` ՀՐԱՆՏ ՍԱՐԱՖՅԱՆԻ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝