ՐԱՖՖԻ ՀՈՎՀԱՆՆԻՍՅԱՆՆ ՕՆԼԱՅՆ ՏԱՐԲԵՐԱԿՈՎ Է ՀԱՅՏՆԵԼ ԻՐ ԿԱՐԾԻՔԸ
Արխիվ 12-16
ՐԱՖՖԻ ՀՈՎՀԱՆՆԻՍՅԱՆՆ ՕՆԼԱՅՆ ՏԱՐԲԵՐԱԿՈՎ Է
ՀԱՅՏՆԵԼ ԻՐ ԿԱՐԾԻՔԸ
Ինչպես հայտնի է, «Ժառանգություն»-ը չի ընդունել Սերժ Սարգսյանի հրավերը նոր Սահմանադրության նախագծին առնչվող հարցերը քննարկելու համար: «Իրավունք»-ը «Ժառանգություն» կուսակցության փոխնախագահ Արմեն Մարտիրոսյանից պարզեց` եթե «Ժառանգության» երկու առաջարկները ընդունվել են նոր Սահմանադրությունում, ինչո՞ւ կուսակցությունը մերժեց հանդիպման հրավերը:
«Ճիշտ է, ընդունվել է, բայց բովանդակային առումով ամբողջ ծավալով չի ընդունվել: Բացի այդ` վերպետական կառույցների ու տարածքային ամբողջականության խնդիր, որը մեզ համար անընդունելի է»,- պատասխանեց կուսակցության փոխնախագահը:
Թե ինչպես է վարչության որոշումն ընդունեկ Ռուբեն Հակոբյանը, ով կողմ էր նոր Սահմանադրության նախագծի հարցերին առնչվող քննարկումներին, կուսակցության փոխնախագահը չմանրամասնեց: «Տարբեր կարծիքներ, իհարկե, հնչել են, բայց քննարկումը թեժ չի եղել»,- վստահեցնում է Մարտիրոսյանը:
Ի դեպ, Րաֆֆի Հովհաննիսյանը եւս մասնակցել է քննարկմանը, բայց, այսպես ասած, օնլայն տարբերակով. կապի այլ միջոցներով է արտասահմանից հայտնել իր տեսակետը: Իսկ թե ինչ տեսակետ է հայտնել, Մարտիրոսյանը հրաժարվեց բարձրաձայնել:
«Ժառանգության» փոխնախագահը նաեւ հայտարարել էր, որ չի բացառվում` միանան «Ոչ»-ի շարժմանը: Արդյոք կարելի՞ է ենթադրել, որ կուսակցությունը կմիանա ՀԱԿ-ին, որը եւս դեմ է նոր Սահմանադրությանը: «Որեւէ մեկը որեւէ մեկին միանալու խնդիր չունի, այլ կա միասնական օրակարգ ու գործողություններ ստեղծելու հարց»,- եզրափակեց Արմեն Մարտիրոսյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31127 դիտում
2
19203 դիտում
3
1750 դիտում
4
1659 դիտում
5
1569 դիտում
3
17693 դիտում
4
11364 դիտում
5
8086 դիտում
5
8286 դիտում
