ՎԱՐԴԱՆ ԲՈՍՏԱՆՋՅԱՆ. «ԿԲ-Ի ՔԱՂԱՔԱԿԱՆՈՒԹՅԱՆ ՊԱՏՃԱՌՈՎ ԲԱՆԿԱՅԻՆ ՀԱՄԱԿԱՐԳԸ ԼԱՐՎԱԾ ՎԻՃԱԿՈՒՄ Է»
Արխիվ 12-16
ՎԱՐԴԱՆ ԲՈՍՏԱՆՋՅԱՆ. «ԿԲ-Ի ՔԱՂԱՔԱԿԱՆՈՒԹՅԱՆ
ՊԱՏՃԱՌՈՎ ԲԱՆԿԱՅԻՆ ՀԱՄԱԿԱՐԳԸ ԼԱՐՎԱԾ
ՎԻՃԱԿՈՒՄ Է»
Տնտեսագետ, նախկին պատգամավոր Վարդան Բոստանջյանը կարծում է, որ հայկական դրամի արժեզրկումը անխուսափելի է:
«Իրավունք»-ի հարցին` արդյոք ԿԲ-ն անելիք չունի այս առումով, որպեսզի թույլ չտա դրամի արժեզրկումը, տնտեսագետի խոսքով` ԿԲ-ն իր ուժերով չի կարող գների կայունության ինստիտուտն ապահովել, քանի որ նա միայն դրամավարկային քաղաքականության համար է պատասխանատու: Իսկ հարկաբյուջետային քաղաքականության համար պատասխանատու է կառավարությունը, որի եւ ԿԲ-ի գործունեությունը պետք է խիստ կանոնակարգված լինեն եւ հավասարակշռված:
Բանախոսի խոսքով` ԿԲ-ն արհեստականորեն թույլ չի տալիս դրամի արժեզրկում, բայց դրա պատճառով բանկային համակարգը լարված վիճակում է:
Չնայած այն հանգամանքին, որ ԿԲ-ն արհեստականորեն թույլ չի տալիս դրամի արժեզրկումը, Բոստանջյանը հանդուրժողաբար է վերաբերվում կենտրոնական բանկի վարած քաղաքականությանը, քանի որ նա կառավարության գործառույթներ չունի:
Նախկին պատգամավորը այլ հարց է բարձրաձացնում` եթե չենք սիրում հայկական դրամը, եկեք այլ արժույթ որդեգրենք:
Մեր մյուս հարցադրմանը, թե հնարավո՞ր է միասնական արժույթի ստեղծումը ԵՏՄ-ի տարածքում եւ Հայաստանը պատրա՞ստ է դրան, բանախոսի խոսքով` եթե մեզ համար նորմալ է, որ ԵՄ-ի տարածքում ընդհանուր արժույթը եվրոն է, ապա ինչու այլ տարածքում չի կարող դա լինել: «Միասնական արժույթի ստեղծման դեպքում հնարավոր է լինի ԵՏՄ անդամ երկրների ուժերի մոբլիզիացիա, որից օգտվի նաեւ Հայաստանը: Մասնավորապես փորձի արժույթային դաշտում հարաբերությունները կարգավորել իրեն ձեռնտու ձեւով»:
Ի դեպ, տնտեսագետը խորհուրդ է տալիս մեր քաղաքացիներին խուճապի չմատնվել, դոլար չգնել:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31146 դիտում
2
1750 դիտում
3
1659 դիտում
4
1578 դիտում
5
1535 դիտում
2
19203 դիտում
3
17693 դիտում
4
11364 դիտում
5
8086 դիտում
5
8286 դիտում
