FLY PROJECT ՌՈՒՄԻՆԱԿԱՆ ՀԱՆՐԱՃԱՆԱՉ ԽՈՒՄԲԸ ԿԺԱՄԱՆԻ ՀԱՅԱՍՏԱՆ
Արխիվ 12-16
FLY PROJECT ՌՈՒՄԻՆԱԿԱՆ ՀԱՆՐԱՃԱՆԱՉ ԽՈՒՄԲԸ ԿԺԱՄԱՆԻ ՀԱՅԱՍՏԱՆ
Fly Project ռումինական հանրաճանաչ խումբը կժամանի Հայաստան եւ համերգ կտա Երեւանում: Այդ մասին ասյօր «Արմենպրես» մամուլի սրահում կայացած ասուլիսի ժամանակ ասացին համերգի կազմակերպիչները: Խմբի անդամները Հայաստան են ժամանում համաշխարհային Most Wanted Tour խորագիրը կրող հյուրախաղերի շրջանակներում եւ ելույթ կունենան Երեւանում օգոստոսի 28-ին՝ «Փարավոն» ժամանցի կենտրոնի Կոլիզեյ բացօթյա համերգասրահում:
Մուլտի Գրանդ հյուրանոցի մարքեթինգի եւ վաճառքի բաժնի տնօրեն ԳԱՅԱՆԵ ՀԱՐՈՒԹՅՈՒՆՅԱՆԻ փոխանցմամբ՝ օգոստոսի 27-ին սիրված խմբի անդամները Ազատության հրապարակում հանդիպում կունենան իրենց երկրպագուների հետ: Երկրպագուների համար հնարավորություն կընձեռվի գնված տոմսերի վիճակահանությամբ սիրված աստղերի հետ սելֆի անել եւ ստորագրություն ստանալ:
«Այցի շրջանակներում Fly Project խմբի անդամները օգոստոսի 27-ին կայցելեն Հայոց ցեղասպանության հուշահամալիր, Գառնիի հեթանոսական տաճար եւ Գեղարդի վանք»:
Հայաստանի Դիջեյների ասոցիացիայի նախագահ ՎԱՐԴԱՆ ԲԱԲԱՅԱՆՆ «Իրավունքի» հետ զրույցում ասաց, որ նմանատիպ միջոցառումներ, իհարկե, Հայաստանում անցենկացվում, սակայն ոչ նման արտիստների մասնակցությամբ:
«Հուսամ՝ համերգը հաճելի պահեր եւ դրական լիցքեր կպարգեւի հանդիսականին»:
Fly Project-ը ռումինական պարային եւ լատինո ոճի փոփ խումբ է, որը ստեղծվել է Բուխարեստում՝ Թուդոր Յոնեսկուի եւ Դեն Դենեսի կողմից: 2011 թ-ին խումբն առաջադրվել է MTV Europe Music Award-ում՝ որպես լավագույն երաժշտական խումբ: Հիմնադրման պահից սկսած՝ 2005 թ-ից, խումբն ամբողջ աշխարհում հանդես է եկել ավելի քան 2000 համերգներով: Թողարկել են երգերի 2 հավաքածու՝ 2005 թ-ին՝ Fly Project, իսկ 2007թ-ին՝ K-Tinne խորագրերով:
Վ. ՄՈՒՐԱԴՅԱՆ
Բաժանորդագրվե՛ք https://t.me/iravunk
1
31216 դիտում
2
4541 դիտում
3
2418 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
