«1700-ԱՄՅԱ ՔՐԻՍՏՈՆՅԱ ԺՈՂՈՎՈՒՐԴ, ԹԵ՞ ԲԱՐԲԱՐՈՍ ՑԵՂԱԽՈՒՄԲ»
Արխիվ 12-16
«1700-ԱՄՅԱ ՔՐԻՍՏՈՆՅԱ ԺՈՂՈՎՈՒՐԴ, ԹԵ՞ ԲԱՐԲԱՐՈՍ ՑԵՂԱԽՈՒՄԲ»
Երբեմն տպավորություն է, որ որքան մարդը զարգանում, այնքան վերանում է մարդկությունից: Բավական է շրջայց կատարել սոցցանցերի էջերով ու հասկանալ, որ համակարգիչներից անդին, ինչ տեսակ ցեղախմբի ասես կարելի է հանդիպել: Օրերս ֆեյսբուքյան օգտատերերից մեկը հրապարակել էր մի լուսանկար եւ մեկնաբանել. «Պար ու ֆոտոսեսիա հին գերեզմանաքարերի վրա: Սա այն է, ինչով կարող են զբաղվել որոշ հայ երիտասարդ աղջիկներ եւ այսպիսի նկարներն իհարկե տեղադրել Օդնոկլասսնիկիում` ստանալով մյուս օդնոկլասնիկցիների «կլասսները»: Սա այն անդունդն է, որին արդեն հասնում ենք գլորվելով: Տեղ հասնելուն քիչ մնաց»: Այո, ցավոք, դժվար է չհամաձայնել օգտատիրոջ հետ, ավելին` լուսանկարը դիտելուց հետո, նույնիսկ կարելի է ասել, որ ոչ թե գլորվում, այլ արդեն իսկ հայտնվել ենք վերոնշյալ անդունդում: Ի վերջո, սարսափ ֆիլմի եւ ոչ մի հայ հեղինակի մտքով անգամ չէր կարող անցնել, որ հայուհին կարող է տրնգի պարել պապերի գերեզմանաքարերի վրա: Եվ սա, եթե ոչ սրբապղծություն, ապա հաստատ բարբարոսություն է:
Ի դեպ, բարբարոսության մասին. մեր օրերում մարդկանց վարքի, էթիկայի, անամոթության
մի վառ օրինակ էլ այն լուսանկարն է, որը մարդկության հայելի դարձած սոցցանցում տեղադրել է Ախալքալաքի Սուրբ Խաչ եկեղեցու հոգեւոր հովիվ արժանապատիվ ՏԵՐ ՏԱԹԵՎ քահանա ՄԱՐՈՒՔՅԱՆՆ ու գրել. «1700-ամյա քրիստոնյա ժողովուրդ, թե՞ բարբարոս ցեղախումբ»: Իսկ նկարում պատկերված է Ջավախքի հայկական գյուղերից մեկի եկեղեցուն կից տարածքը, որը մեր հայրենակիցների թեթեւ ձեռքով վերածվել է խայտառակ աղբանոցի: Հենց այստեղ ճիշտ դիտարկում է կատարել նաեւ մեկ ուրիշ օգտատեր` նշելով, որ պետք չէ շեշտել, թե որ գյուղն է, քանի որ գրեթե բոլոր գյուղերին էլ բնորոշ է երեւույթը` մի քիչ ավել կամ պակաս:
Չէ, տիկնայք եւ պարոնայք, այսպես այլեւս չի կարելի շարունակել, այլապես կամաց-կամաց կնմանվենք ջունգլիների հերոսների, մինչդեռ նույն սոցցանցերում իրար հերթ չտալով` խոսում ենք սրբություններից, հայրենասիրությունից ու այլ վերին գաղափարներից:
Կույտը մշակեց ՀՐԱՆՏ ՍԱՐԱՖՅԱՆԸ
Բաժանորդագրվե՛ք https://t.me/iravunk
1
31127 դիտում
2
19198 դիտում
3
1750 դիտում
4
1659 դիտում
5
1561 դիտում
3
17693 դիտում
4
11364 դիտում
5
8086 դիտում
5
8286 դիտում
