ՎԻՐԱՎՈՐ ԶԻՆՎՈՐԸ ՉԻ ԸՆԿՃՎՈՒՄ. «ՄԵՐ ԳՈՐԾՆ ԷՐ, ՊԵՏՔ Է ԱՐՎԵՐ»

ՎԻՐԱՎՈՐ ԶԻՆՎՈՐԸ ՉԻ ԸՆԿՃՎՈՒՄ. «ՄԵՐ ԳՈՐԾՆ ԷՐ, ՊԵՏՔ Է ԱՐՎԵՐ»

ԼՂՀ հյուսիս-արեւելյան ուղղությամբ տեղակայված զորամասերից մեկում օգոստոսի 9-ին հակառակորդն իր ձեռագրին բնորոշ` հերթական անգամ խախտեց զինադադարը, որի պատճառով թշնամու գնդակը դիպավ ժամկետային զինծառայող ԱԴԻԲԵԿ ՀԱԿՈԲՅԱՆԻ ձախ կողին: Այս մասին «Իրավունքը» տեղեկացավ հենց նրանից` այցելելով կենտրոնական կլինիկական զինվորական հոսպիտալ, որտեղ էլ ապաքինվում է վերինգետաշենցուն հատուկ համարձակություն ունեցող զինվորը: Անդրադառնալով դեպքի մանրամասներին` մինչ զինակոչվելը Հայաստանի պետական ճարտարագիտական համալսարանի ուսանող Ադիբեկը, ում ծառայության 15-րդ ամիսն էր լրացել, երկար չցանկացավ խոսել.
– Զինակից ընկերներիս հետ խրամատում աշխատանքներ էինք իրականացնում, երբ տեղի ունեցավ դեպքը: Կրակոցը հեռվից է եղել, մարդ չենք տեսել: Հետո էլ իջել եմ դիրքերից, ինձ առաջին օգնություն են ցույց տվել ու տարել Մարտակերտ:
– Ի՞նչ կասեք առողջական վիճակի մասին:
– Նորմալ է, գնդակը ձախ կողիս էր դիպել: Մարտակերտում վիրահատվել եմ, ու վիրահատությունից արդեն 10 օր է անցել:
– Ընդհանրապես, հետ նայելով` ի՞նչ եք մտորում տեղի ունեցածի շուրջ:
– Մեր գործն էր, պետք է արվեր:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝