«ՓԱԽՍՏԱԿԱՆ 924 ԸՆՏԱՆԻՔ ԱՊՐՈՒՄ Է ՏԱՐՐԱԿԱՆ ՊԱՅՄԱՆՆԵՐԻՑ ԶՈՒՐԿ ՎԻՃԱԿՈՒՄ»
Արխիվ 12-16
«ՓԱԽՍՏԱԿԱՆ 924 ԸՆՏԱՆԻՔ ԱՊՐՈՒՄ Է ՏԱՐՐԱԿԱՆ ՊԱՅՄԱՆՆԵՐԻՑ ԶՈՒՐԿ ՎԻՃԱԿՈՒՄ»
Վերջին ժամանակներս հաճախակի է թեժ քննարկումների թեմա դառնում Սիրիայից փախած մեր հայրենակիցներին օգնելու, հայրենիքում գոնե կացարանով եւ աշխատանքով ապահովելու հարցը: Դրանից զատ՝ բավականին մտահոգիչ դեպքեր են տեղի ունենում նաեւ Բեյրութում, եւ արդեն կան խոսակցություններ, որ այնտեղի բավականին մեծ հայկական համայնքի շատ ներկայացուցիչներ եւս հնարավոր է, որ ստիպված լինեն հայրենիք տեղափոխվել, որտեղ, հասկանալի է, բախվելու են նույն խնդիրներին: Բայց այս ամենի հետ մեկտեղ, նաեւ չմոռանանք, որ 1990-ականների ջարդերի պատճառով Ադրբեջանից մի կերպ Հայաստան հասած փախստականների մի ստվար զանգված ավելի քան երկուսուկես տասնամյակ է, որ ապրում է տարրական կեցության պայմաններից զուրկ տարածքներում, եւ նրանց խնդիրն արդեն գրեթե մոռացության է մատնվել: Համենայնդեպս՝ ՀՀ Տարածքային կառավարման նախարարության Միգրացիոն ծառայության պետ ԳԱԳԻԿ ԵԳԱՆՅԱՆԸ մեզ հետ զրույցում ասաց.
- Իսկ ե՞րբ եք ակնկալում, որ այդ ընտանիքների գոնե կեսի բնակարանային խնդիրը կլուծվի:
- Դա պայմանավորված է նրանով, որ ԱԺ-ի կողմից հաստատվող պետբյուջեում այդ ծրագրի համար գումարներ նախատեսվեն: Մինչեւ 2009 թիվը յուրաքանչյուր տարի մինչեւ 5 միլիոն դոլար գումար էր նախատեվում, որի արդյունքում՝ մոտ հազար հարյուր ընտանիք ստացել է վկայագրեր, որոնցից ութ հարյուրից ավելը կարողացել են իրենց խնդիրը լուծել:
ՌԴ ՄՈՒՏՔԻ ԱՐԳԵԼԱՆՔԻ ԽՆԴԻՐԸ «ԿԱՐԵԼԻ Է ԱՍԵԼ` ԼՈՒԾՎԱԾ Է»
-Օգտվելով առիթից` կխնդրենք ներկայացնել ի՞նչ ընթացքի մեջ է ՌԴ-ի մուտքի արգելանքի տակ գտնվող քաղաքացիների դիմումների ընթացքը:
- Ինչպես Ձեզ հետ ավելի վաղ զրույցի ժամանակ եմ ասել` ամեն երրորդ դիմումից երկուսը գալիս է դրական պատասխանով: Նույն տեմպը, ես կասեի՝ ավելի լավ, պահպանվում է: Արդեն շուրջ տասնմեկ հազարի է հասել դիմումների թիվը, եւ դրանց գերակշիռ մասը` ավելի քան տասը հազարը ուղարկվել է ռուսական Դաշնային միգրացիոն ծառայություն: Դրանց մի մասի վերաբերյալ արդեն ունենք պատասխաններ՝ մոտավորապես յոթ հազար պատասխան, իսկ երեք հազար չորս հարյուր անձի արգելանքը վերացվել է:
- Իսկ մնացած քաղաքացիներին, որոնց արգելանքը այնուամենայնիվ չի վերացվում, գոնե ինչ-որ մեղամացուցիչ պայմանների հնարավոր չէ՞ հասնել:
- Այո, դա էլ կա: Օրինակ՝ ՌԴ մուտքի արգելքի ժամկետներն են կրճատվում: Այստեղ կարեւորն այն է, որ խնդիրը միայն հայերին չի վերաբերում. նմանատիպ խնդիրներ ունեն մի շարք երկրների քաղաքացիներ: Բայց նմանատիպ մեխանիզմ գործում է միայն Հայաստանի նկատմամբ: Բոլոր այլ երկրների համար էլ, իհարկե, նախանձելի է, որ ռուսական կողմը համաձայնել է բարի կամք դրսեւորել մեր միջնորդություններով եւ վերանայել արգելանքի որոշումները: Եվ այն, որ հիմա վաթսուն տոկոսից ավել դրական պատասխանով դիմումներ ենք ստանում, ապա կարելի է ասել, որ խնդիրը լուծված է:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
31156 դիտում
2
1982 դիտում
3
1760 դիտում
4
1603 դիտում
5
1562 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
