ՀՀԿ ՊԱՏԳԱՄԱՎՈՐ. «ՄԵՆՔ ՍԻԼԻ-ԲԻԼԻ ՉԵՆՔ ԱՆՈՒՄ»
Արխիվ 12-16
ՀՀԿ ՊԱՏԳԱՄԱՎՈՐ. «ՄԵՆՔ ՍԻԼԻ-ԲԻԼԻ ՉԵՆՔ ԱՆՈՒՄ»
«Իրավունք»-ն այսօր ՀՀԿ պատգամավոր, արտաքին հարաբերությունների մշտական հարցերի հանձնաժողովի նախագահ Արտակ Զաքարյանից պարզեց` ընդունո՞ւմ է հանրային այն շրջանակների մտահոգությունները, որոնք վերաբերում են միջազգային իրավունքի նորմերի գերակայությանը, այլընտրանքային զինծառայության երկուանգամյա շեշտադրությանը, «ընտանիք» հասկացության ձեւակերպմանը, երեխաների իրավունքներին: Մտահոգ հանրային շրջանակների կարծիքով` սա սպաառնալիք է մեր ազգային արժեահամակարգին եւ պետք է հրաժարվել նոր Սահմանադրությունից: ՀՀԿ պատգամավորն ասաց, որ մասամբ համաձայն է այդ մտահոգություններին: «Բայց պետք է ուսումնասիրել եւ հասկանալ` այդ դրույթներն արտացոլված պետք է լինեն Սահմանադրությունում, թե բերվի օրենսդրական դաշտ: Ձեր նշած խնդիրները կարգավորվում են օրենքով: Իսկ արդյոք պետք է դարձնել սահմանադրական նորմ, ձեռնպահ կմնամ»,- մանրամասնում է իր տեսակետը իշխող կուսակցության ներկայացուցիչը:
Ի դեպ, Արտակ Զաքարյանը վերոնշյալ դրույթների վերաբերյալ առաջարկություններ է ներկայացրել սահմանադրական բարեփոխումների մասնագիտական հանձնաժողովին:
Մեր մյուս հարցին` արդյոք ընդունում է նաեւ հանրային շրջանակների այն մտահոգությունը, թե նոր Սահմանադրությունը պարտադրված է դրսից, քանի որ իշխանական որոշ շրջանակներ սիլի-բիլի են անում ԵՄ-ի հետ: «Մենք սիլի-բիլի չենք անում, այլ առողջ համագործակցում ենք թե՛ՌԴ-ի, թե՛ ԵՏՄ-ի, ԱՄՆ-ի, ԵՄ-ի հետ: Որեւէ պետություն չի կարող ՀՀ-ին ինչ-որ բան պարտադրել»,- եզրափակեց Արտակ Զաքարյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31156 դիտում
2
2024 դիտում
3
1760 դիտում
4
1603 դիտում
5
1566 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
