«ՈՎ ԿՓՈՐՁԻ ԲՀԿ-Ի ՀԱՍՑԵԻՆ ԱՆՀԱՐԻՐ ԱՐՏԱՀԱՅՏՈՒԹՅՈՒՆՆԵՐ ԱՆԵԼ, ԱՆՁԱՄԲ ԻՄ ԿՈՂՄԻՑ ՏԵՂՈՒՄ ԿԿԱՆԽՎԻ»
Արխիվ 12-16
Վ. Բաբայան. «ՈՎ ԿՓՈՐՁԻ ԲՀԿ-Ի ՀԱՍՑԵԻՆ ԱՆՀԱՐԻՐ ԱՐՏԱՀԱՅՏՈՒԹՅՈՒՆՆԵՐ ԱՆԵԼ, ԱՆՁԱՄԲ ԻՄ ԿՈՂՄԻՑ ՏԵՂՈՒՄ ԿԿԱՆԽՎԻ»
Կայացավ սահմանադրական բարեփոխումների նախագծի վերաբերյալ Վենետիկի հանձնաժողովի անդամների եւ քաղաքական ուժերի ու ՀԿ ներկայացուցիչների հետ հանդիպումը: Թեպետ ակնկալվում էր, որ բովանդակային քննարկում կլինի` սահմանադրության նախագծի այս կամ այն դրույթների կամ Վենետիկի հանձնաժողովի ներկայացրած եզրակացության շուրջ, սակայն հերթական անգամ ներքաղաքական կեղտոտ սավանը մեր հայրենակիցները որոշեցին ի ցույց դնել եվրոպացի իրավագետների առաջ: Արդյունքում քննարկման ժամանակ ձայնի իրավունք ստացավ «Չեք անցկացնի» քաղաքացիական նախաձեռնության անդամ Դավիթ Հովհաննիսյանն ու սկսեց խոսել այն մասին, թե ինչպես կարելի է սահմանադրական բարեփոխումներ անցկացնել, երբ խորհրդարանում երկրորդ խմբակցությունը` ԲՀԿ-ն ենթարկվեց քաղաքական տեռորի եւ ԲՀԿ-ի նախկին առաջնորդը հեռացավ քաղաքականությունից: Իհարկե, պատասխանը չուշացավ ու ԱԺ ԲՀԿ պատգամավոր, «Բարգավաճ Հայաստան» կուսակցության մամլո խոսնակ ՎԱՀԱՆ ԲԱԲԱՅԱՆԸ բավական կոշտ արձագանքեց վերջինիս:
Տեղի ունեցած միջադեպի մասին «Իրավունքը» քննարկումից հետո զրուցեց պարոն Վ. Բաբայանի հետ.
- Որեւէ կոնֆլիկտ չկա, պարզապես, ամեն մարդ թող իր տեղն իմանա եւ իրեն կոռեկտ պահի նմանատիպ հանդիպումներում: Յուրաքանչյուր մարդ, ով կշփոթվի եւ կփորձի «Բարգավաճ Հայասատան» կուսակցության հասցեին անհարիր արտահայտություններ անել, անձամբ իմ կողմից տեղում կկանխվի: Ավելացնելու էլ ոչինչ չունեմ:
- Այնուամենայնիվ, որքանո՞վ եք ընդունելի համարում, որ եվրաիրավագետների առաջ սահմանադրական փոփոխությունների նախագծի քննարկումը վերածվեց ներքաղաքական հարցերի բարձրացման հարթակի:
- Այդ հարցը տվեք այն մարդկանց, ովքեր պատվերներ են կատարում տարբեր տեսակի եւ «Բարգավաճ Հայաստան» կուսակցության անունն են հնչեցնում եւ սկսում են բարբաջել:
- Ի դեպ, Դուք տեղից արձագանքելով Դ. Հովհաննիսյանին` շեշտեցիք, որ իր որակումներն ուղղի իր տերերին: Ո՞ւմ նկատի ունեիք:
- Ուղղորդողին…
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31146 դիտում
2
1807 դիտում
3
1760 դիտում
4
1588 դիտում
5
1535 դիտում
2
19203 դիտում
3
17693 դիտում
4
11364 դիտում
5
8086 դիտում
5
8286 դիտում
