«ԱԲԽԱԶԱԿԱՆ ԵՐԿԱԹՈՒՂԻՆ ԱՅԼԸՆՏՐԱՆՔԱՅԻՆ ՏԱՐԲԵՐԱԿ Է` ԿԱԽՎԱԾՈՒԹՅՈՒՆ ՉՈՒՆԵՆԱԼՈՒ ԹՈՒՐՔԻԱՅԻՑ»
Արխիվ 12-16
«ԱԲԽԱԶԱԿԱՆ ԵՐԿԱԹՈՒՂԻՆ ԱՅԼԸՆՏՐԱՆՔԱՅԻՆ ՏԱՐԲԵՐԱԿ Է` ԿԱԽՎԱԾՈՒԹՅՈՒՆ ՉՈՒՆԵՆԱԼՈՒ ԹՈՒՐՔԻԱՅԻՑ»
Ինչպես արդեն հաղորդել էր ՍԻՄ լրատվական ծառայությունը` «ՍԻՄ կուսակցության գրասենյակում ՍԻՄ նախագահ, ԱԺ պատգամավոր ՀԱՅԿ ԲԱԲՈՒԽԱՆՅԱՆԸ հանդիպում ունեցավ Վրաստանի «Եվրասիական ընտրություն կոալիցիա» եւ «Իրակլի Երկրորդ» ընկերության ղեկավար ԱՐՉԻԼ ՉԿՈԻԴԶԵԻ հետ: Հանդիպման ժամանակ քննարկվեցին հայ-վրացական հարաբերությունների եւ դրա հետագա զարգացումների հարցերը: Ա. Չկոիդզեն իր խոսքում կարեւորեց, որ Աբխազական երկաթուղու վերաբացումը, որը, ըստ նրա, առաջին հերթին հարկավոր է Վրաստանին, Հայաստանին, Աբխազիային եւ Ռուսաստանին: Հանդիպման ընթացքում ձեռք բերվեց պայմանավորվածություն` հետագա համագործակցության վերաբերյալ»:
Իսկ մեզ հետ զրույցում Վրաստանի գործիչն ասաց. «Աբխազական երկաթուղու բացումը հատկապես օգուտ է Վրաստանին, Հայաստանին, Աբխազիային եւ Ռուսաստանի Դաշնությանը: Վրաստանի տնտեսությունը ուղիղ կապ ունի Թուրքիայի հետ: Շատ են խոսում այն մասին, որ Հայաստանը գտնվում է շրջափակման մեջ, ես պետք է ավելացնեմ, որ Վրաստանը եւս գտնվում է շրջափակման մեջ: Վրաստանի նախկին նախագահ Մ. Սահակաշվիլու իշխանության օրոք կնքվեցին մի շարք ստրկացնող պայմանագրեր, որի արդյունքում վրացական տնտեսությունը իրապես առաջ չգնաց, քանի որ թուրքական կամպանիաները շանս չտվեցին վրացական կորպորացիաներին առաջ գնալ, զարգանալ եւ այլն»:
Նա ցավով նշեց, որ օրինակ Աջարիայում 80 տոկոս խանութները, կազինոները, սրճարաններն ու բարերը պատկանում են թուրքերին. «Հենց Թուրքիան այստեղ սուբսիդավորում է այն կազմակերպություններին, խանութներին, որոնք ներկայացնում կամ պրոպագանդում են թուրքական ապրանքները»: Նա մեզ հետ զրույցում չբացառեց, որ Թուրքիան ունի բավականին մեծ ազդեցություն վրացական իշխանությունների վրա, ինչի սկիզբը դրվեց հենց Սահակաշվիլու օրոք, եւ այն շարունակվում է մինչեւ հիմա, քանի որ դեռ հարթված չեն հարաբերությունները Ռուսաստանի հետ, ուստի Թուրքիան հիմա համարվում է միակ միջանցքը Վրաստանի համար. «Դրա համար աբխազական երկաթուղու բացումը մեզ համար այլընտրանքային շանս է, որպեսզի կախվածություն չունենանք Թուրքիայից»,- հաստատակամ պատասխանեց հասարակական գործիչը:
Ա. Չկոիդզեի հարցազրույցի շարունակությունը կներկայացնենք առաջիկայում:
ԱՐՄԵՆՈՒՀԻ ՀԱԿՈԲՅԱՆ
Բաժանորդագրվե՛ք https://t.me/iravunk
1
31146 դիտում
2
1807 դիտում
3
1760 դիտում
4
1588 դիտում
5
1535 դիտում
2
19203 դիտում
3
17693 դիտում
4
11364 դիտում
5
8086 դիտում
5
8286 դիտում
