ՎԱՐԴԱՆ ԽԱՉԱՏՐՅԱՆ. «ՀԱՅ ԸՆՏԱՆԻՔԸ ՎՏԱՆԳՎԱԾ Է ՆՈՐ ՍԱՀՄԱՆԱԴՐՈՒԹՅԱՄԲ»
Արխիվ 12-16
ՎԱՐԴԱՆ ԽԱՉԱՏՐՅԱՆ. «ՀԱՅ ԸՆՏԱՆԻՔԸ ՎՏԱՆԳՎԱԾ Է ՆՈՐ
ՍԱՀՄԱՆԱԴՐՈՒԹՅԱՄԲ»
Աստվածաբան, նախկին պատգամավոր Վարդան Խաչատրյանը կարծում է, որ սահմանադրության նոր տարբերակում ընտանիքը միայն բուծարան է ներկայացվում: Թե ինչ է ընտանիքը մեզ համար, ինչ նշանակություն ունի, այս դրույթները չեն ամրագրվել:
«Իրավունք»-ի հակադարձմանը`արդյոք պետք է ամեն ինչ սահմանադրության մեջ ամրագրել, չէ՞որ շատ հարցեր, այդ թվում նաեւ ընտանեկան հարաբերություններն ու ընտանեկան արժեահամակարգը կարգավորվում են բարոյական-մարդկային ասպեկտով: Աստվածաբանը հակադարձում է` այս սահմանադրության մեջ ամեն մի դրույթ կարող է լինել քաղաքական թիրախ. «Հայ ընտանիքն ընկած է լուրջ հարվածների տակ, ենթարկվում է լուրջ փորձության: Եթե Եվրոպայում ընտանիքի երկու հասկացություն է սահմանվում, ապա պետք է հստակ ձեւակերպվի` ինչ է ընտանիքը, բայց ոչ այս ձեւակերպմամբ»:
Հստակեցրինք` գործող սահմանադրությունն մեր արժեահամակարգի պահպանման համար ավելի՞ ընդունելի է, քան սահմանադրության նոր տարբերակը, պատասխանը դրական էր` այո:
«Իրավունք»-ի մյուս հարցադրումը վերաբերում էր սահմանադրության նոր տարբերակի քաղաքական մասին` լայն հնարավորություններ ընդդիմությանը, դատական իշխանության անկախացում, կառավարման համակարգի փոփոխություն: Արդյոք գոնե այս դրույթների համար չի կարելի դրական խոսել սահմանադրության նոր տարբերակի մասին: «Ես այդ դրույթների մասին դիտավորյալ չեմ խոսել, քանի որ դա արդեն էական չէ, երբ ազգի արժեահամակարգը վտանգված է: Չպետք է թույլ տալ, որ այս սահմանադրության նոր տարբերակն այս ձեւով դրվի համահասարակական քննարկման»,- եզրափակեց նախկին պատգամավորը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31172 դիտում
2
2574 դիտում
3
2206 դիտում
4
1760 դիտում
5
1603 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
