ԳՈՐՇ ԿԱՐԴԻՆԱԼ ՀԱՄԱՐՎՈՂ ՎԵՐԱՀՍԿԻՉ ՊԱԼԱՏԻ ՆԱԽԱԳԱՀԻ ՏԵՂԱԿԱԼՆ ԻՐ ՈՒՆԵՑՎԱԾՔԸ ԿՆՈՋ ԱՆՈՒՆՈ՞Վ Է ԱՐԵԼ

ԳՈՐՇ ԿԱՐԴԻՆԱԼ ՀԱՄԱՐՎՈՂ ՎԵՐԱՀՍԿԻՉ ՊԱԼԱՏԻ ՆԱԽԱԳԱՀԻ ՏԵՂԱԿԱԼՆ ԻՐ ՈՒՆԵՑՎԱԾՔԸ ԿՆՈՋ ԱՆՈՒՆՈ՞Վ Է ԱՐԵԼ

«Իրավունքը» բարձրաստիճան անձանց էթիկայի հանձնաժողովից տեղեկանում է, որ ՎՊ նախագահի տեղակալ,  առողջապահության նախկին փոխնախարար Լեւոն Յոլյանի գործերը, պարզվում է, այդքան էլ վատ չեն:  ՎՊ  նախագահի կինը` Անուշ Ասլանյանը, նախորդ տարվա վերջում  հայտարարագրել է մեկ հողամաս` 4,638,000 դրամ արժողությամբ,  մեկ բնակարան ( 69,150,000 ՀՀ դրամ) եւ բազմաբնակարան շենքի ոչ բնակելի  հատված (2,861,405. դրամ):  Տիկին Ասլանյանի  դրամական միջոցները  2014 թ-ի վերջում  17,986,112. դրամից առնալով 3,000,000 դրամ եւ 200,000 դոլարից դառնալով 515,000 դոլար: Ակնհայտ է, որ արտարժույթով ամրագրված տիկին Ասլանյանի գումարները տարվա վերջում կրկնակի ավելացել են:

ՎՊ-ի անդամի կնոջ եկամտի աղբյուրը, ըստ հայտարարագրի, վարկերի դիմաց ստացված  տոկոսներից:

Լեւոն Յոլյանի  հայտարարագիրը, ի տարբերություն իր  կնոջ հայտարարագրի,  չափազանց համեստ է` 5,800,000 դրամ եւ 4,000 դոլար: Պաշտոնյայի եկամուտները նախորդ տարում կազմել են 7,584,374 դրամ:

Ի դեպ,   որշ կարդինալի համբավ ունեցող եւ շքեղ առանձնատան սիրահար Լեւոն Յոլյանը, ըստ տեղեկությունների, ջանք ու եռանդ չէր  խնայում պաշտոնական առաջխաղացում ունենալու, ինչու չէ` ՎՊ նախագահ դառնալու համար: : Նրա անունը  սկսեց շրջանառվել որպես ՎՊ ապագա նախագահ այն ժամանակ, երբ Իշխան Զաքարյանը հայտարարեց`բյուջեի 70%-ը կոռուպցիոն ռիսկերի տակ է: Սակայն պրն Յոլյանի  մուրազը փորում մնաց եւ նա ստիպված եղավ  բավարարվել ՎՊ նախագահի տեղակալի եւ շախմատի ֆեդերացիայի  նախագահի տեղակալի «համեստ» պաշտոններով:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝