ՄԱՐՄՆԱՎԱՃԱՌՆԵՐԻ ՊԱՏՃԱՌՈՎ ՎԱԶԳԵՆ ԿԱՐԱՊԵՏՅԱՆԸ ՀԱՅՏՆՎԵԼ Է ՃԱՂԵՐԻ ԵՏԵՎՈՒՄ. ՏԵՍԱՆՅՈՒԹ

ՄԱՐՄՆԱՎԱՃԱՌՆԵՐԻ ՊԱՏՃԱՌՈՎ ՎԱԶԳԵՆ

ԿԱՐԱՊԵՏՅԱՆԸ ՀԱՅՏՆՎԵԼ Է ՃԱՂԵՐԻ ԵՏԵՎՈՒՄ.

ՏԵՍԱՆՅՈՒԹ

Արտաշիսյան 44 հասցեւում   գտնվող «Փոքր Մայամի» հյուրանոցային համալիրը կարծես դարձել է այդ հասցեում ապրող բնակիչների համար իսկական պատուհաս: Փաստաբան Ստեփան Ոսկանյանն այսօրվա մամլո ասուլիսում  մի դեպքի մասին խոսեցին, որն առնչվում է  «Փոքր Մայամի» հյուրանոցային համալիրին: Բանն այն է, որ Արտաշիսյան 44 հասցեւում  ապրողները բազմիցս են դիմել պատկան մարմիններին` անգամ  Երեւանի քաղաքապետարանին`  բողոքելով «Փոքր Մայամի» հյուրանոցային համալիրի մոտ կանգնող մարմնավաճառների  գրեթե ամեն օր բարձրացրած աղմուկից եւ վեճերից:

Բնակիչներից մեկը` Վազգեն Կարապետյանը, այս տարվա սկզբին  դարձյալ փորձել է  աներ ամեն ինչ, որ այդ տարածքում  մարմնավաճառներ չհավաքվեն, սակայն,  իրավապահները  մարմնավաճառներին պատասխանատվության ենթարկելու փոխարեն քրեական գործ են հարուցում Վազգեն Կարապետյանի դեմ: «Նրան մեղադրել են  ավազակային հարձակման համար: Մարմնավաճառների հետ սերտ կապերի մեջ  գտվող Իգոր Կովալյովը հաղորդում է ներկայացրել, որ իմ պաշտպանյալը հարձակվել է   նրա վրա, դանակի ու ատրճանակի սպառնալիքով գումար շորթել»,- մանրամասնեց փաստաբանը:

Սակայն դեպքի վայրում հայտնաբերված իրեղեն ապացույցի՝ դանակի վրա,  որևէ մատնահետք չի  հայտաբերվել, իսկ ատրճանակ առհասարակ չի  եղել: Գործն այս պահին  նախաքննության փուլում է, Վազգեն Կարապետյանն էլ նախնական կալանքի տակ է: Դատաքննությունը, հավանաբար, կլինի  սեպտեմբերին:

Մանրամասները` տեսանյութերում:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝