Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ)

ԱՐԴԱՐԱԴԱՏՈՒԹՅԱՆ ՓՈԽՆԱԽԱՐԱՐԻ «ԼԵԶՎԻ ՍԱՅԹԱՔՈՒՄ, ԿՅԱՆՔԻ ԽՈՐՏԱԿՈ՞ՒՄ»

Արխիվ 12-16

ԱՐԴԱՐԱԴԱՏՈՒԹՅԱՆ ՓՈԽՆԱԽԱՐԱՐԻ «ԼԵԶՎԻ ՍԱՅԹԱՔՈՒՄ, ԿՅԱՆՔԻ ԽՈՐՏԱԿՈ՞ՒՄ»

 

ՀՀ կառավարության նիստի օգոստոսի 18-ի օրակարգի 15, 16, 17-րդ որոշումների նախագծի համաձայն, գործադիրի հաստատմանն էր ներկայացվել երեք երեխայի որդեգրման համապատասխան հարցերը: Այս մասին զեկուցելիս արդարադատության փոխնախարար ԱՐՍԵՆ ՄԿՐՏՉՅԱՆՆ, ով այս պահին  արդարադատության նախարարի ժամանակավոր պաշտոնակատարն է, կառավարության նիստում թույլ տվեց անթույլատրելին` հրապարակելով որդեգրողների անուն-ազգանուններն ու այն երկրները, որտեղ ապրելու են փոքրիկները որդեգրվելուց հետո: Իհարկե, ՀՀ վարչապետ ՀՈՎԻԿ ԱԲՐԱՀԱՄՅԱՆԸ փորձեց կանխել փոխնախարարի սխալը` ընդհատելով. «Պարոն Մկրտչյան…» , բայց ապարդյուն` նույն ոգեւորությամբ արդարադատության փոխնախարարը շարունակեց մինչեւ վերջ:

Ինչեւէ, պետք է նշենք, որ ՀՀ արդարադատության նախկին նախարարներից ո՛չ Հրայր Թովմասյանը, ո՛չ Հովհաննես Մանուկյանը երբեւէ այդքան մանրամասն չէին զեկուցել որդեգրման մասին որոշումների նախագծերը, քանի որ դրանով խախտվում է որդեգրման գաղտնիությունը: Ավելին` ՀՀ Քրեական օրենսգրքի 169 հոդվածի համաձայն՝ որդեգրման գաղտնիքի խախտումը քրեական պատասխանատվություն է առաջացնում: Նվազագույն պատիժը 200 հազար դրամն է, առավելագույնը` երկամսյա կալանք՝ մինչեւ երեք տարի որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով կամ առանց դրա: Թե արդյո՞ք այս պատասխանատվությունը կարող է տարածվել պարոն Մկրտչյանի վրա, փորձեցինք պարզել հենց նրանից, սակայն կառավարության նիստից հետո վերջինս լրագրողների աչքից փորձեց հնարավորինս արագ դուրս սլանալ, հավանաբար արդեն իսկ հասկանալով իր վրիպակը:

Ինչպես կփորձի արդարադատության նախարարությունն արդարացնել պարոն փոխնախարարին, ցույց կտա ժամանակը, բայց, այնուամենայնիվ, կարելի է ենթադրել, որ սրանով Ա. Մկրտչյանը կորցրեց նախարարի պաշտոնը ստանձնելու վերջին հնարավորությունը:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ