ՀԱՅՐԱՊԵՏՅԱՆԻ ԿՈՂՄԻՑ ԾԵԾԻ ԵՆԹԱՐԿՎԱԾ Ա. ԱՎԵՏԻՍՅԱՆՆ ՈՒՆԻ ՔԹԻ ԲԱՑ ԿՈՏՐՎԱԾՔ, ՈՐՈՎԱՅՆԻ ՈԺԵՂ ՑԱՎԵՐ, ԵՎ ՈՉ Մ

ՀԱՅՐԱՊԵՏՅԱՆԻ ԿՈՂՄԻՑ ԾԵԾԻ ԵՆԹԱՐԿՎԱԾ Ա. ԱՎԵՏԻՍՅԱՆՆ ՈՒՆԻ ՔԹԻ ԲԱՑ ԿՈՏՐՎԱԾՔ, ՈՐՈՎԱՅՆԻ ՈԺԵՂ ՑԱՎԵՐ, ԵՎ ՈՉ ՄԻԱՅՆ

Օգոստոսի 15-ին «Հարսնաքար» ռեստորանային համալիրի հարեւանությամբ գտնվող Ֆուտբոլի ֆեդերացիայի լողավազանի սրճարանում, Էյր Արմենիա» (Air Armenia) ավիաընկերության 51 տոկոսի սեփականատեր եւ տնօրեն Արսեն Ավետիսյանին, Ռուբեն Հայրապետյանի,  (Նեմեց Ռուբոյի) եւ նրա թիկնազորի կողմից ծեծի ենթարկվելու կապակցույթամբ, փորձցինք կապ հաստատել Արսեն Ավետիսյանի հետ, ով այս պահին գտնվում է հիվանդանոցում, սակայն չհաջողվեց նրա հետ խոսել, քանի որ վերջինս, ինչպես մեզ տեղեկացրեցին նրա մտերիմներն ու ըկերները ի վիճակի չէ խոսելու: Սակայն մեզ փոխանցեցին, որ դաժան ծեծի արդյունքում Ա. Ավետիսյանը ունի քթի բաց կոտրվածք, ուժգին հարվածներ գլխին, որի պատճառով ունի բարձր ճնշում. «Երբ նրան հարվածելով գցել են գետնին, սկսել են քացիներով հարվածել որովայնին, դրա պատճառով ունի որովայնի շրջանում ուժեղ ցավեր լյարդը մեծացած է: Հարվածել են նաեւ ողնաշարին, ոտքերին, որից առաջացել է հեմատոմա: Գիտակցությունը տեղն է, սակայն չի կարողանում նորմալ խոսել»: Մեր զրուցակիցը փոխանցեց նաեւ, որ Ա. Ավետիսյանին հիվանդանոց է հասցրել նրա եղբայրը, ինչպես նաեւ նշեց, որ հիվանդանոց այցելում են ոստիկաններ, սակայն ծեծի ենթարկվածը չի կարողանում լիարժեք խոսել:

Հիշեցնենք, օգոստոսի 15-ին Ռուբեն Հայրապետյանի (Նեմեց Ռուբո) թիկնազորի անդամները առեւանգել էին գործարար, «Էյր Արմենիա» (Air Armenia) ավիաընկերության 51 տոկոսի սեփականատեր եւ տնօրեն Արսեն ԱվետիսյանինYerevan news-ի հետ զրույցում հայտնել է Արսեն Ավետիսյանի կինը Իզաբելլա Մելքումյանը: Առեւանգումը պայմանավորված է եղել «Էյր Արմենիա» (Air Armenia) ավիաընկերության կուտակած ընթացիկ պարտքերի հետ «Տարոն-Ավիա»ընկերությանը:«Տարոն-Ավիա» ընկերության տնօրեն եւ սեփականատեր Գառնիկ Պապիկյանը, «Էյր Արմենիա» (Air Armenia) ավիաընկերության պարտքը վերածելով «գողական բազառի» առարկայի, պարտքը, այսպես ասած, հանձնել է Նեմեց Ռուբոյին: Արսեն Ավետիսյանին նաեւ սպառնացել են, որ եթե նա չվերադարձնի ավիաընկերության պարտքերն ապա նրա երեխաները այն «կվերադարձնեն»,- ասել է Արսեն Ավետիսյանի կինը:

ԱՐՄԵՆՈՒՀԻ  ՀԱԿՈԲՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝