«ՀԱՄԱԼԻՐՈՒՄ ՉԻ ԿԱՐՈՂ ԽԱՂԱՏՈՒՆ ՈՒ ՌԵՍՏՈՐԱՆ ԼԻՆԵԼ, ՔԱՆԻ ՈՐ…
Արխիվ 12-16
«ՀԱՄԱԼԻՐՈՒՄ ՉԻ ԿԱՐՈՂ ԽԱՂԱՏՈՒՆ ՈՒ ՌԵՍՏՈՐԱՆ ԼԻՆԵԼ, ՔԱՆԻ ՈՐ…
Ինչպես հայտնի է, կառավարությունը Կարեն Դեմիրճյանի անվան համալիրը 30 մլն դոլարով օտարվեց մոտ մեկ ամիս առաջ գրանցված կազմակերպությանը: Համալիրի համահեղինակ, «Հայնախագիծ» ընկերության տնօրեն Գրիգոր Ազիզյանն ու ճարտարապետների միության նախագահ Մկրտիչ Մինասյանը համաձայն չեն կառավարության որոշմանը: «Երբ տարիներ առաջ համալիրն օտարում էին «ԲԱՄՕ»-ին, հստակ բոլորը գիտեին` խոսքն ինչ կազմակերպության մասին է, գիտեին` ինչքան ֆինանսներ են ներդրվելու: Իսկ հիմա մի կազմակերպություն է, որն անցյալ չունի, ապագայի մասին էլ դեռ չգիտենք »,- մանրամասնեցին բանախոսները:
Թե Գրիգոր Ազիզյանը, թե Մկրտիչ Մինասյանը դեմ չեն կառույցի սեփականաշնորհմանը, բայց նախ իմանալ` ում է տրվում եւ ինչ է արվելու համալիրում: Ինչ խաղատան մասին է խոսքը, եթե, ըստ Գրիգորի Ազիզյանի, Երեւանից հանված են խաղատները: Իսկ ռեստորանային համալիր չի կարող լինել համալիրում, քանի որ երեք ռեստորանային համալիր կա տարածքում, մեկն էլ գործում է համալիրի ներսում:
Ի դեպ, Եղեռնի հուշահամալիրի տարածքում եւս ապօրինի գործում է ռեստորան արդեն ութ տարի, որի մասին լրատվամիջոցները պարբերաբար բարձրաձայնել են:
«Իրավունք»-ի հարցին` արդյոք պատահական են համարում բանախոսները համալիրը 30 մլն դոլարով վաճառելը նորաստեղծ կազմակերպությանը, Մկրտիչ Մինասյանը դժվարացավ պատասխանել,իսկ Գրիգոր Ազիզյանն ասաց, որ այսօր ցանկության դեպքում համալիրի նման շենք կառուցելու համար անհրաժեշտ է 100-200 մլն դոլար:
Մասնագետները ընդունում են` պետությունը չի կարող բյուջեի միջոցով պահվել, բայց համալիրի դահլիճների ճիշտ կառավարման դեպքում հնարավոր է շահույթ ստանալ:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31172 դիտում
2
2891 դիտում
3
2257 դիտում
4
1760 դիտում
5
1603 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
