ՌՈՒԲԵՆ ՀԱՅՐԱՊԵՏՅԱՆԸ ՊԱՏՐԱՍՏՎՈՒՄ Է ԼՔԵ՞Լ ՀԱՅԱՍՏԱՆԸ
Արխիվ 12-16
ՌՈՒԲԵՆ ՀԱՅՐԱՊԵՏՅԱՆԸ ՊԱՏՐԱՍՏՎՈՒՄ Է ԼՔԵ՞Լ
ՀԱՅԱՍՏԱՆԸ
Ինչպես մամուլը անդրադարձել է, օգոստոսի 15-ին Ռուբեն Հայրապետյանի (Նեմեց Ռուբո) թիկնազորի անդամները առեւանգել էին գործարար, «Էյր Արմենիա» (Air Armenia) ավիաընկերության 51 տոկոսի սեփականատեր եւ տնօրեն Արսեն Ավետիսյանին Yerevan news-ի հետ զրույցում հայտնել է Արսեն Ավետիսյանի կինը Իզաբելլա Մելքումյանը: Առեւանգումը պայմանավորված է եղել «Էյր Արմենիա» (Air Armenia) ավիաընկերության կուտակած ընթացիկ պարտքերի հետ «Տարոն-Ավիա»ընկերությանը: «Տարոն-Ավիա» ընկերության տնօրեն եւ սեփականատեր Գառնիկ Պապիկյանը, «Էյր Արմենիա» (Air Armenia) ավիաընկերության պարտքը վերածելով գողական բազառի առարկայի, պարտքը, այսպես ասած, հանձնել է Նեմեց Ռուբոյին: Արսեն Ավետիսյանին նաեւ սպառնացել են, որ եթե նա չվերադարձնի ավիաընկերության պարտքերն ապա նրա երեխաները այն «կվերադարձնեն»,- ասել է Արսեն Ավետիսյանի կինը: Այնուհետ հաջորդ օրը, օգոստոսի 16-ին տեղեկություն տարածվեց, որ Ա. Ավետիսյանը գտնվում է հիվանդանոցում:
Մեր տեղեկություններով, այս անգամ, ամենայն հավանականությամբ գործ կհարուցվի Ռուբեն Հայրապետյանի, (Նեմեց Ռուբո) , կողմից կատարած գործողությունների առնչությամբ, քանի որ այդ ամենը տեղի է ունեցել «Հարսնաքար» ռեստորանային համալիրի հարևանությամբ գտնվող Ֆուտբոլի ֆեդերացիայի լողավազանի սրճարանում, ուր նախապես ունեցած պայմանավորվածության համաձայն այցելել է Արսեն Ավետիսյանը եւ հանդիպել Հայրապետյանին: Հանդիպման ընթացքում բարոյական ճնշումներին տեղիք չտվող Ավետիսյանի նկատմամբ լողավազանում հանգստացող բազմության ներկայությամբ կիրառվել է ֆիզիկական ուժ: Արսեն Ավետիսյանին անակնկալի բերելով՝ նրան տարբեր կողմերից միաժամանակ սկսել են հարվածել Հայրապետյանի թիկնազորի ներկայացուցիչները, որոնք եղել են զինված եւ զենքի ուժի ճնշման տակ Ավետիսյանին քաշքշելով սրճարանից առեւանգել ու տեղափոխել են Ֆուտբոլի ֆեդերացիայի հարակից շենք: Լողավազանում հանգստացող ընտանիքները, քաղաքացիներն ու երեխաները, ականատես լինելով հարձակմանը, շփոթված փախուստի են դիմել, ոմանք հասցրել են հավաքել իրենց իրերը, իսկ ոմանք էլ դուրս են եկել լողավազանի տարածքից լողազգեստներով՝ հեռացնելով իրենց երեխաներին: Ստացվում է, որ այս անգամ ականատեսները շատ են եւ դժվար կլինի խուսափելը, սակայն կրկին մեր տեղեկություններով պարոն Հայրապետյանը մտադրություն ունի երկրից բացակայելու միարժամանակ հույս ունենալով, որ ինչպես ասվում է ժողովրդական ասացվածքում «կիջնի ջրի հատակը, մինչեւ անցնի վտանգը»:
ԱՐՄԵՆՈՒՀԻ ՀԱԿՈԲՅԱՆ
Բաժանորդագրվե՛ք https://t.me/iravunk
1
31172 դիտում
2
2548 դիտում
3
2206 դիտում
4
1760 դիտում
5
1603 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
