ՍՈՍ ԳԻՄԻՇՅԱՆ. «ՆՈՐ ՍԱՀՄԱՆԱԴՐՈՒԹՅԱՄԲ ՄԱՐԴԿԱՆՑ ԴՐԴՈՒՄ ԵՆ ԱՂԱՆԴԱՎՈՐՈՒԹՅԱՆ».
Արխիվ 12-16
ՍՈՍ ԳԻՄԻՇՅԱՆ. «ՆՈՐ ՍԱՀՄԱՆԱԴՐՈՒԹՅԱՄԲ ՄԱՐԴԿԱՆՑ ԴՐԴՈՒՄ ԵՆ ԱՂԱՆԴԱՎՈՐՈՒԹՅԱՆ».
«Քրիստոնեա-ժողովրդական վերածնունդ» կուսակցության ղեկավար Սոս Գիմիշյանն այսօր լրագրողների հետ զրույցում իր մտահոգությունները ներկայացրեց սահմանադրության նոր նախագծի վերաբերյալ: Նրա խոսքով` եթե գործող սահմանադրությամբ պետություն-եկեղեցի հարաբերությունները կարգավորվում են օրենքով, սահմանադրության նախագծում հարաբերությունները կարգավորվում են հատուկ համաձայնագրով: Սա նշանակում է, որ եկեղեցուն զրկել են բոլոր առանձնահատուկ իրավունքներից բերել հավասարեցրել են աղանդաներին, որոնց, ի դեպ, տրվել է լայն հնարավորություն:
Հողի սեփականության մասին իրավունքը եւս հակասում է մեր պետական շահերին: Վաղը Սեւանը տղերքը կծախեն, քանի որ ուտելու, գողանալու բան չկա: Մնում է հողն էլ ծախեն: Թուրքիան այլ մարդկանց միջոցով կարող է գնել Հայաստանի հողերը:
Քաղաքական գործչի խոսքով` այս փաստաթուղթն անգրագետ մարդկանց կազմած փաստաթուղթ է: «Գործող սահմանադրությունը, որը ես քննադատել եմ մինչ ընդունվելը, իրավաբանորեն շատ հստակ է, ավելորդ բառերի կույտ չկա: 200-ից ավելի հոդվածներ կան սահմանադրության նոր տարբերակում: Տպավորությունն այնպիսին է, որ սահմանադրությունը գրողներին ասել են` ինչքան շատ գրեք, այնքան շատ փող կստանաք»,- կարծում է բանախոսը:
«Իրավունք»-ի հարցին`արդյոք այլընտրանքային զինվորական ծառայության երկու անգամ շեշտելը ուղղված չէ մեր անվտանգությանը, Գիմիշյանը համաձայնեց` ասելով. «Մարդկանց դրդում են դեպի աղանդավորական կառույցներ»:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31216 դիտում
2
4880 դիտում
3
2451 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
