Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ)

ՀՐԱՊԱՐԱԿԱԽՈՍ. «ՍԱՀՄԱՆԱԴՐՈՒԹՅԱՆ ԱՅՍ ՏԵՔՍՏԸ ԹՈՒՂԹ ՈՒ ԳԻՐ Է»

Արխիվ 12-16

ՀՐԱՊԱՐԱԿԱԽՈՍ. «ՍԱՀՄԱՆԱԴՐՈՒԹՅԱՆ ԱՅՍ ՏԵՔՍՏԸ

ԹՈՒՂԹ ՈՒ ԳԻՐ Է»

 

Սահմանադրության նոր տարբերակում կան մի շարք մտահոգիչ դրույթներ, որոնք լուրջ վտանգ են մեր ազգային անվտանգության, արժեհամակարգի, ընտանիքի ինստիտուտին:  Մտահոգիչ են նաեւ  ընդհանուր իրավունքի նորմերի պարտադիր գերակայությունը,  արտասահմանցիների  համար  հողի սեփականության նկատմամբ արգելքի հանումը:  Այս եւ այլ խնդիրների մասին այսօր բարձրաձայնեցին  «Լույս» տեղեկատվական-վերլուծական կենտրոնի նախագահ Հայկ Այվազյանը,  «Համահայկական ծնողական կոմիտե» ՀԿ-ի ղեկավար Արման Բոշյանը,  գրող, հրապարակախոդ Լիա Ավետիսյանը եւ «Քրիստոնեա-ժողովրդական վերածնունդ»  կուսակցության ղեկավար Սոս Գիմիշյանը:

Հայկ Այվազյանի խոսքով` սահմանադրության նախագծում` ամուսնության մասին դրույթում, գրված է տղամարդու եւ կնոջ միասնություն է կոչվում ամուսնություն, մինչդեռ Վենետիկի հանձնաժողովի պաշտոնական կայքում անգլերեն տարբերակով գրված է կանայք եւ տղամարդիկ: Թե ինչու է այդպես  գրված, Այվազյանին չի հաջողվել պարզել:

Արման Բոշյանի խոսքով էլ սահմանադրության այս տարբերակը, եթե ընդունվի, ապա Հայաստանը կանցնի  արտաքին կառավարման: Ինչ վերաբերում է սահմանադրությունում ամրագրված այն  դրույթերին, որոնք վերաբերում են  միջազգային իրավական նորմերի գերակայությանը օրենքի նկատմամբ, ապա դա, ըստ Բոշյանի, արվում է այն երկրների հանդեպ, որոնք պատերազմում պարտվել են: ԽՍՀՄ 1991 թ-ին սառը պատերազմում պարտվեց, հետեւաբար Հայաստանի հանդեպ եւս պետք է կիրառվեն միջազգային իրավունքի նորմերը: Բոշյանը վստահ է` այս սահմանադրությունը պարտադրված է Հայաստանին դրսից:

Գրող, հրապարակախոս  Լիա Ավետիսյանի խոսքով` սահմանադրության այս նոր տարբերակը հակահայկական,  հակապետական, թուղթ ու գրի նման  փաստաթուղթ է: Երեխաների ազատ կարծիք հայտնելու մասին դրույթ է ամրագրված սահմանադրության նոր տեքստում այն դեպքում, երբ երեխայի կարծիքը հեշտ է փոխել, քանի որ նա ձեւավորված աշխարհայացք չունի:

Սոս Գիմիշյանը եւս դեմ է  սահմանադրության նոր տարբերակին. «Միջազգային  իրավունքի գերակա  նորմերով կարող է  սահմանվել զոոֆիլիան, ինցեստը, մարդու միս ուտելը: Սա պարտադիր կլինի ՀՀ-ի համար: Եթե Հայաստանը չկատարի  այդ նորմերը, կարող են պատերազմ հայտարարեն  մեզ»:

Հայկական ընտանիքի քայքայման ծրագիրը եւս կա   սահմանադրության նախագծում: «Պարզվում է` հայկական ընտանիքը նաեւ բազմացման հիմք է: Սա նշանակում է, որ իմ ծնողները ճագարներ են: Նման բան հայ մարդը չի կարող գրել: Սա վաճառված, ծախված, մեր երկրի թշնամի մարդն է  գրել»,-  վստահ է  կուսակցության ղեկավարը:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ