ՏԵՂԻ ՈՒՆԵՑԱՎ «ՀԱՅԿԱԿԱՆ ՏԱՐԱԶԸ ԵՎ ԷԹՆՈ ՄՇԱԿՈՒՅԹԸ ՄԵՐ ՕՐԵՐՈՒՄ» ԳԻՏԱԿԱՆ ՖՈՐՈՒՄԸ(ՖՈՏՈՇԱՐՔ)

ՏԵՂԻ ՈՒՆԵՑԱՎ «ՀԱՅԿԱԿԱՆ ՏԱՐԱԶԸ ԵՎ ԷԹՆՈ ՄՇԱԿՈՒՅԹԸ ՄԵՐ ՕՐԵՐՈՒՄ» ԳԻՏԱԿԱՆ ՖՈՐՈՒՄԸ(ՖՈՏՈՇԱՐՔ)

Այսօր՝ օգոստոսի 13-ին, Հովհ. Շարամբեյանի անվան ժողովրդական ստեղծագործության կենտրոնում տեղի ունեցավ «Հայկական Շրջանակ» նախաձեռնության եռօրյա մշակութային ձեռնարկի «Հայկական տարազը և էթնո- մշակույթը մեր օրերում» - գիտական ֆորումը:

Հայկական զարդանախշերի մասին զեկույցով հանդես եկավ ազգագրագետ, ժողովրդական վարպետ Լալա Մնեյանը՝ ներկայացնելով զարդարվեստը որպես հայկական ժողովրդական արվեստի կարևոր ճյուղ:

Սեդրակ Մամուլյանի զեկույցը վերաբերում էր հայկական ավանդական խոհանոցին:

Հայկական տոների և ծեսերի պահպանման և դրանց նորովի մատուցման կարևորության մասին էր մշակութաբան Քնարիկ Միրզոյանի զեկույցը:

Հայկական Ավանդական պարերը ներկայացրեց Գագիկ Գինոսյանը ՝ անդրադառնալով մեր հինավուրց պարի տոհմիկ և իմաստային բովանդակությանը:

Գիտական ֆորումը եզրափակվեց Գագիկ Գինոսյանի ավանդույթ դարձած վարպետության դասով: Մասնակից-երիտասրդները երեք ազգագրական պար սովորեցին:

Հիշեցնենք , որ սա «Հայկական Շրջանակ» նախաձեռնության եռօրյա մշակութային ձեռնարկի երկրորդ օրն էր:

Վաղը՝ Օգոստոսի 14-ին, ժամը՝ 14:00-ին կամփոփվեն լուսանկարչական մրցույթի արդյունքները, կհանձնվեն մրցանակներ:

Կներկայացվի ազգագրական երգ, պար, երաժշտություն:

Տեղեկատվությունը տրամադրեց «Հայկական Շրջանակ» նախաձեռնության մամուլի ծառայությունը:

Լուսանկարները՝ Լիանա Գրիգորյանի

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝