ԱՎԵՏԻՍՅԱՆՆԵՐԻ ՓԱՍՏԱԲԱՆ. «ԴԵՌ ՀՍՏԱԿԵՑՎԱԾ ՉԷ` ՊԵՐՄՅԱԿՈՎԸ ՈՐՏԵՂ Է ԿՐԵԼՈՒ ՊԱՏԻԺԸ»
Արխիվ 12-16
ԱՎԵՏԻՍՅԱՆՆԵՐԻ ՓԱՍՏԱԲԱՆ. «ԴԵՌ ՀՍՏԱԿԵՑՎԱԾ ՉԷ` ՊԵՐՄՅԱԿՈՎԸ ՈՐՏԵՂ Է ԿՐԵԼՈՒ ՊԱՏԻԺԸ»
Րոպեներ առաջ Ռուսաստանի Հյուսիսկովկասյան օկրուգի զինվորական դատարանի 5-րդ կայազորի դատարանը հրապարակեց ռուս զինծառայող Վալերի Պերմյակովի գործով դատավճռիը: Դատարանը վճռեց Պերմյակովին դասալքության, զենք և զինամթերք գողանալու, այն անօրինական ձեռքբերելու, փոխանցելու, պահպանելու, տեղափոխելու եւ կրելու համար դատապարտել տասը տարվա ազատազրկման: «Իրավունք»-ի հետ զրույցում Ավետիսյանների իրավահաջորդների փաստաբան Երեմ Սարգսյանը կարծում է, որ Պերմյակովին վերագրվող հոդվածներն ու պատիժը համաչափ են: Բայց տուժող կողմի համար կարեւորը ոչ թե այն է, թե քանի տարի կազատազրկվի Պերմյակովը, այլ այն, որ նոր տեղեկություններ են կարողացել ձեռքբերել: Փաստաբանի համար, սակայն, զարմանալին այն է, որ դատական գործընթացը բավական արագ ընթացավ. 72 հատոր քրեական գործը մի քանի ժամում քննեցին, ավարտեցին, մինչդեռ եթե քրեական շարքային գործ լիներ, ամիսներ կտեւեր: «Կարծում եմ` պատճառն այն է, որ անհանգստություն կամ լարվածություն չլինելու համար արագացվեց դատական գործը»,- կարծում է պրն Սարգսյանը:
Վալերի Պերմյակովը, սակայն,մեղադրվում է Ավետիսյանների ընտանիքի սպանության համար, որն էլ առանձին գործով է քննվելու: Բայց մինչ այդ որտեղ է կրելու այդ տասը տարվա ազատազրկումը Պերմյակովը: «Այս հարցը դեռ հստակեցված չէ, քանի որ աննախադեպ իրադրություն է: Օրենքը միանշանակ կարգավորումներ չի տալիս: Հետեւաբար, պետք է փոխադարձ համաձայնության արդյունք լինի: Կարծում եմ` Պերմյակովը կշարունակի լինել ռուսական ռազմաբազայում, ՀՀ-ից չի տեղափոխվի: Իսկ արդյոք ռուսական ռազմաբազայում կա քրեակատարողական հիմնարկ, թե ոչ, տեղյակ չեմ: Համենայնդեպս, Պերմյակովն այս պահին ՀՀ-ում կալանքի մեջ է, իսկ կալանքի տակ պահելու պայմաններ ռուսական ռազմաբազան ունի»,- մանրամասնում է մեր զրուցակիցը:
Դատավճռի հրապարակումից հետո Պերմյակովը ժպտում էր, եւ տպավորությունն այնպիսին էր, որ իր համար միեւնույն է` դատարանը քանի տարով կազատազրկի իրեն: «Ամբողջ դատաքննության ընթացքում տպավորությունն այնպիսին էր, որ դատաքննությունն նրա հետ որեւէ կապ չունի: Պերմյակովի վարքագիծը կասկած է առաջացնում նրա հոգեկան առողջության հետ կապված, բայց կատարվել են մի քանի փորձաքննություններ, ըստ որոնց` Պերմյակովը ճանաչվել է անմեղսունակ, հոգեկան հիվանդություն չի հայտնաբերվել, անգա որոշել են` Պերմյակովն ագրեսիվ ու իմպուլսիվ չէ: Սա մեզ համար խիստ կասկածելի է»,- եզրափակեց Երեմ Սարգսյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31172 դիտում
2
2548 դիտում
3
2206 դիտում
4
1760 դիտում
5
1603 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
