ԱՅԼԸՆՏՐԱՆՔԱՅԻՆ ԶԻՆԾԱՌԱՅՈՒԹՅԱՆ ԵՐԿՈՒԱՆԳԱՄՅԱ ՇԵՇՏԱԴՐՈՒՄԸ ՆՈՐ ՍԱՀՄԱՆԱԴՐՈՒԹՅԱՆ ՄԵՋ ՎՐԻՊԱ՞Կ, ԹԵ՞...
Արխիվ 12-16
ԱՅԼԸՆՏՐԱՆՔԱՅԻՆ ԶԻՆԾԱՌԱՅՈՒԹՅԱՆ
ԵՐԿՈՒԱՆԳԱՄՅԱ ՇԵՇՏԱԴՐՈՒՄԸ ՆՈՐ
ՍԱՀՄԱՆԱԴՐՈՒԹՅԱՆ ՄԵՋ ՎՐԻՊԱ՞Կ, ԹԵ՞...
ՀՀ օրենսդրության համաձայն` յուրաքանչյուր քաղաքացի կարող է անցնել այլընտրանքային զինվորական ծառայության, եթե նրա կրոնական դավանանքին կամ համոզմունքներին հակասում են ռազմական ստորաբաժանումներում զինվորական ծառայություն անցնելը, ինչպես նաև զենք կրելը, պահելը, պահպանելը և օգտագործելը: Սահմանադրական բարեփոխուների նախագծում երկու անգամ է շեշտվում այլընտրանքային զինվորական ծառայության մասին: Ինչո՞ւ, եթե այս դրույթը կարծես սպառնալիք է մեր ազգային անվտանգության համար: «Իրավունք»-ի այս հարցին պատասխանեց ՍԴ անդամ Ֆելիքս Թոխյանը: «Իմ կարծիքով` սահմանադրության միակ թերությունն այն է, որ ծավալուն է գրված: Երկու անգամ են շեշտել, կարող է վրիպել են: Իրականում տարբեր բաժիններում է գրված այդ դրույթը, բայց կարեւորը գրված է: Կարեւորն այն է, որ այնպես գրված լինի, որ այլընտրանքային ծառայությունը ՀՀ-ում գործի: Ցավոք սրտի, ՀՀ-ում այլընտրանքային զինծառայությունը թույլ է գործում»,- պատասխանեց սահմանադրական իրավունքի մասնագետը:
Հ.Գ. Այլընտրանքային ծառայությունից, ցավոք, հաճախ օգտվում են աղանդավորական կազմակերպությունների ներկայացուցիչները, ավելին` հաճախ բանակ չծառայելու համար որոշ քաղաքացիներ կարող են երկու տարով խղճի ու դավանանքի ազատություն խաղալ եւ գլուխը պրծացնել հայրենիքի հանդեպ պարտքը կատարելուց: Այնպես որ, դեռ հարց է` իրոք պետք է այլընտրանքային զինվորական ծառայության համակարգը մեզ մոտ ամրապնդել, թե ոչ:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31216 դիտում
2
4880 դիտում
3
2451 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
