«ԱՅՍ ՍՏԵՂԾԱԳՈՐԾՈՒԹՅՈՒՆԸ ԿԱՏԱՐԵԼՈՒՑ ՀԵՏՈ ԲԵԹՀՈՎԵՆՆ ԱՅԼԵՎՍ ԵԼՈՒՅԹ ՉԻ ՈՒՆԵՑԵԼ». Ջութակահար
Արխիվ 12-16
«ԱՅՍ ՍՏԵՂԾԱԳՈՐԾՈՒԹՅՈՒՆԸ ԿԱՏԱՐԵԼՈՒՑ ՀԵՏՈ ԲԵԹՀՈՎԵՆՆ ԱՅԼԵՎՍ ԵԼՈՒՅԹ ՉԻ ՈՒՆԵՑԵԼ». Ջութակահար
Տևական դադարից հետո Ա. Խաչատրյանի անվան տրիոն համերգով հանդես կգա ԳաֆԷսճեան կենտրոնում: Այդ մասին մեզ հետ զրույցում ասաց ջութակահար ԿԱՐԵՆ ՇԱՀԳԱԼԴՅԱՆԸ՝ հավելելով, որ սեպտեմբերին տրիոն համերգներով պատրաստվում է մեկնել Գերմանիա, Ճապոնիա, Ռուսաստան:
Խոսելով օգոստոսի 26-ին սպասվող համերգի մասին՝ ջութակահարը նշեց, որ համերգային ծրագիրը հատուկ ուշադրության է արժանի: «Կան ստեղծագործություններ, որ միշտ ցանկանում ես կատարել, բայց ինչ-որ բան ետ է պահում. պատճառը նրա բարձրարժեքության գիտակցումն է: Նման ստեղծագործություն կատարելու համար, այսպես ասաց, երկար ճանապարհ ես անցնում: Միշտ ցանկություն ենք ունեցել կատարել Բեթհովենի լեգենդար տրիոն՝ «Էրցգերցոգ»-ը, որը նրա վերջին ստեղծագործությունն է: Ի դեպ, կոմպոզիտորը սեփական ստեղծագործությունը կատարելուց հետո (որպես դաշնակահար) այլևս երբեք ելույթ չի ունեցել, քանի որ նրա մոտ լսողության անկում է հայտնաբերվել, ինչն էլ, բնականաբար, խանգարել է բեմական գործունեությանը»:
Կ. Շահգալդյանն ասաց նաև, որ Բեթհովենի այս բարձրարժեք գործը պատրաստվում են հնչեցնել ոչ միայն սպասվող համերգի ընթացքում, այլ նաև տարբեր համերգասրահներում: «Համերգի ընթացքում կկատարենք նաև Գեորգի Սվիրիդովի տրիոն, որը, չգիտես ինչու, քիչ է կատարվում. մոռացված է, ինչպես և այլ կոմպոզիտորի ստեղծագործությունները: Աշնանը մենք անպայման կանդրադառնանք նրա ստեղծագործություններին»:
Վ. ՄՈՒՐԱԴՅԱՆ
Բաժանորդագրվե՛ք https://t.me/iravunk
1
31209 դիտում
2
4142 դիտում
3
2383 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
