ՆԻԳԵՐԻԱՆ ԷԼ Է ՊԱՅՔԱՐԵԼՈՒ ԿՈՌՈՒՊՑԻԱՅԻ ԴԵՄ
Արխիվ 12-16
ՆԻԳԵՐԻԱՆ ԷԼ Է ՊԱՅՔԱՐԵԼՈՒ ԿՈՌՈՒՊՑԻԱՅԻ ԴԵՄ
Նիգերիայի նորընտիր նախագահ Մուհամադ Բուխարին սկսել է կյանքի կոչել իր նախընտրական խոստումները: Մինչ նախագահի պաշտոնը ստանձնելը նա խոստացել էր պայքարել երկրում առկա կոռուպցիայի դեմ և իրականացնել օրենսդրական բարեփոխումներ: Ընտրվելուց կարճ ժամանակ անց արդեն նա ձևավորել է 7 հոգուց բաղկացած հակակոռուպցիոն խորհրդակցական կոմիտե, որի կազմում ներգրավվել են նաև համալսարանի դասախոսներ:
Այս տարվա մայիսին նախագահի պաշտոնը ստանձնած Բուխարին հայտարարել էր, որ անցած 10 տարիների ընթացքում Նիգերիայի պետական պաշտոնյաները պետբյուջեից գողացել են 150 միլիարդ դոլար գումար, իսկ ԱՄՆ նախագահ Բարաք Օբամայի հետ հանդիպման ժամանակ նա առաջարկել էր օգնել գտնելու իրենց երկրին պատկանող արտերկրի բանկային հաշիվների վրայից «կորած» գումարները:
Ի դեպ, Նիգերիան 185 միլիոն բնակչություն և հարուստ բնական պաշարներ ունեցող երկիր է: Նորընտիր նախագահ Բուխարին, ում վերջին ընտրությունների ժամանակ հաջողվել է հավաքել ընտրողների ընդհանուր ձայների 54 տոկոսը և ստանձնել երկրի ղեկավարումը, ամենևին էլ պատահական մարդ չէ: Նա 1980-ական թվականներին կարողացել է Նիգերիայում պետական հեղաշրջում իրականացնել, գահընկեց անելով դեմոկրատական «սկզբունքներով» ընտրված առաջնորդին և դարձել է Նիգերիայի նախագահը: Բուխարիին, սակայն, չի հաջողվել երկար կառավարել երկիրը, քանի որ մեկ ու կես տարի անց նրան գահընկեց է արել երկրի գեներալներից մեկը:
Նիգերիան չնայած նավթի, գազի և այլ բնական պաշարներ ունեցող ամենահարուստ աֆրիկյան երկրներից է, սակայն այստեղ մեծ չափերի է հասնում մարդկանց առևանգման, անհետացման և վաճառքի դեպքերը:
Բաժանորդագրվե՛ք https://t.me/iravunk
1
31209 դիտում
2
3434 դիտում
3
2315 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
