ԹԵ ԻՆՉՈՒ Է ՓԱՍՏԱԲԱՆԸ ՀՐԱԺԱՐՎԵԼ ՊԱՇՏՊԱՆԵԼ ՓՈԽՈՍՏԻԿԱՆԱՊԵՏԻ ԵՂԲՈՐՈՐԴՈՒՆ

ԹԵ ԻՆՉՈՒ Է ՓԱՍՏԱԲԱՆԸ ՀՐԱԺԱՐՎԵԼ ՊԱՇՏՊԱՆԵԼ

ՓՈԽՈՍՏԻԿԱՆԱՊԵՏԻ ԵՂԲՈՐՈՐԴՈՒՆ

Դեռեւս անցյալ տարվա հունիսի մեկին Նուբարաշենում տեղի ունեցած դանակահարության մեջ մեղադրվող Սեդրակ Օսիպյանի փաստաբան Կրոմվել Գրիգորյանը երեկ պաշտոնապես հրաժարվել է փոխոստիկանապետի եղբորորդու պաշտպանությունն իրականացնելուց: Այս մասին iravunk.com-ի հետ զրույցում փոխանցեց պարոն Գրիգորյանը, այն բանից հետո, երբ փորձեցինք հետաքրքրվել նախաքննության ընթացքից: Թե ինչն է պատճառը, որ փաստաբանը այլեւս հրաժարվել է Ս. Օսիպյանի պաշտպանությունից, փաստաբանը նկատեց միայն.

-Պատճառներ կան, բայց չեմ ցանկանում հանրայնացնել:

Հիշեցնենք, որ Սեդրակ Օսիպյանի նկատմամբ խափանման միջոց է ընտրվել ստորագրություն չհեռանալու մասին: Ավելի վաղ հայտնել էինք, որ դեպքը տեղի էր ունեցել 2014թ. հունիսի 1-ի գիշերը Նուբարաշենում: Վիճաբանությունից եւ ծեծկռտուքից հետո 22-ամյա Վանուշ Ալեքսանյանին տեղափոխել էին «Էրեբունի» բժշկական կենտրոն, որտեղ վերջինս վիրահատվել էր: Ըստ ոստիկանության՝ դանակահարողը Երեւանի փոխոստիկանապետ Վալերի Օսիպյանի եղբորորդին է՝ 22-ամյա Սեդրակ Օսիպյանը: Սեդրակ Օսիպյանին հունիսի 3-ին մեղադրանք էր առաջադրվել ՀՀ Քրեական օրենսգրքի 112-րդ հոդվածի 1-ին մասով:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝