ՏԵ՛Ր ԿԱՆԳՆԵՔ ԹՈՒՐՔԻԱՅՈՒՄ ԳՏՆՎՈՂ ՀԱՅ ՈՐԲԱՆՈՑԻՆ

ՏԵ՛Ր ԿԱՆԳՆԵՔ  ԹՈՒՐՔԻԱՅՈՒՄ ԳՏՆՎՈՂ ՀԱՅ ՈՐԲԱՆՈՑԻՆ

«Քամփ Արմենը» կառուցվել է 1915 թ. Ցեղասպանությունից հետո: Որբանոցի շենքի կառուցման ժամանակ աշխատել են իրենք՝ որբ երեխաները: Ճամբարը օգնել է հայերին պահպանել իրենց ինքնությունը, մշակույթը և լեզուն, որովհետև այդ ժամանակ հայ երեխաների համար չկար որևէ հասանելի դպրոց: Մոտ երկու ամիս առաջ հայտնի դարձավ, որ    թուրքական իշխանությունները պատրաստվում են քանդել   հայկական որբանոցը: Բողոքի  մեծ ալիք բարձրացավ, որը ղեկավարում է «Նոր զարթոնք» կազմակերպությունը:

Բողոքավորները սկսեցին հերթապահել որբանոցում: Այսօր լրագրողների հետ զրույցում  «Նոր զարթոնք»  ՀԿ-ի անդամ Սայաթ Թեքիրը եւ Անուշ Քազան Ասատուրյանը լրագրողների հետ զրույցում  ներկայացրին  որբանոցի պատմությունը:  Բանն այն է, որ ազգային փոքրամասնությունների հիմնադրամները  ինչպես Օսմանյան կայսրության այնպես էլ  Հանրապետական Թուրքիայի հռչակումից հետո   ունեցել են  գույք ձեռք  բերելու իրավունք: 1974 թ-ին  կատարված փոփոխություններով այս հիմնադրամները զրկվում են  գույք ձեռք բերելու իրավունքից: 1936-1974 թթ-ին ձեռքբերված  գույքը պետք  է ետ վերադարձվեր նախկին տերերին, իսկ եթե տեր չկար` պետությանը: 1962 թ-ին նախատեսված գումարը վճարելով «Քամփ Արմենը» եւս անվճար վերադարձվեց  նախկին տիրոջը:

2011 թ-ին   Թուրքիայում  օրենք ընդունվեց 1936 թ-ին բռնագրված եկեղեցապատկան  գույքը փոքրամասնություններին վերադարձնելու  մասին:  Սակայն «Քամփ Արմենը» ներառված չէ վերադարձվող գույքի ցանկում:

Պետությունը  որբանոցը  վաճառել է մի մասնավոր մարդու, ով էլ իր հերթին յոթ  մարդու է  վաճառել տարածքը:  Բանախոսների խսքով` հիմա պահանջում են  բողոքավորներից վճարել գումարը եւ  ետ ստանալ  որբանոցը, բայց քառասուն տարով:

«Նոր զարթոնք» ՀԿ-ի անդամ Սայաթ Թեքիրը մտավախություն ունի, որ  եթե հայ որբանոցը  չպահպանվի եւ քանդվի, ապա  Թուրքիայում գործոց Մխիթարյան վարժարանը եւս կարժանանա այդ ճակատագրին: Հիմա այդ վարժարանում  մոտ քառասուն ուսանող է  սովորում:   Որբանոցի համար պայքարողները  օրը մոտ քսան հոգի հերթափոխում են «Քամփ Արմեն»-ի տարածքը, իսկ շաբաթ  եւ կիրակի օրերը  բողոքավորների թիվը հասնում է  հազարի:

ՀԿ-ի  ներկայացուցիչները, սակայն, չեն համաձայնում, քանի որ տարածքը պատկանում է հայերին:  «Կոչ ենք անում բոլոր նրանց, ովքեր օժանդակում են մեր պայքարին հանուն մեր համատեղ անցյալի եւ ապագայի, տեր կանգնել հայ որբերի` մեզ վստահված «Քամփ Արմենը»,- հայտարարեցին բանախոսները:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝