ՉԱԿԵՐՏԱՎՈՐ ԸՆԴԴԻՄՈՒԹՅԱՆ ՉԱԿԵՐՏԱՎՈՐ «ՈՉ»-Ը` ՉԱԿԵՐՏԱՎՈՐ ՀԵՏԵՎՈՐԴՆԵՐՈՎ

ՉԱԿԵՐՏԱՎՈՐ ԸՆԴԴԻՄՈՒԹՅԱՆ ՉԱԿԵՐՏԱՎՈՐ «ՈՉ»-Ը`

ՉԱԿԵՐՏԱՎՈՐ ՀԵՏԵՎՈՐԴՆԵՐՈՎ

Հայաստանի ընդդիմադիր քաղաքական ուժերը, բացի ՀՅԴ-ից, սահմանադրության նոր տարբերակի դեմ արշավ են սկսել եւ կոչ են անում  հանրությանը «ոչ» ասել  նոր տարբերակին:

«Իրավունքը» կառավարման փորձագետ Հարություն Մեսրոբյանից պարզեց` ընդդիմության այս պայքարը  ընդունելի՞ եւ հասկանալի՞ է նրա համար:

- Ընդդիմությունը Դուք չակերտներով եք ասում, թե առանց չակերտների:

- Կարող եմ  նաեւ չակերտներով ասել:

- Իմ պատասխանը  կախված է այն բանից, թե ընդդիմությունը չակերտների մեջ է, թե առանց չակերտների:

- Չակերտներով:

- Ուրեմն հարց չկա:

- Բայց մենք չակերտներից դուրս, կարելի է ասել, ընդդիմություն չունենք:

- Դե վերջ:

- Համենայնդեպս, ինչ-որ գործընթաց  է սկսում ընդդիմությունը սահմանադրական բարեփոխումների դեմ:

- Չակերտավոր գործընթաց: Դե հիմա ես հո գուշակ չեմ:

- Բայց այդ գործընթացն ունի հետեւորդներ թեկուզ «Ֆեյսբուք» սոցիալական ցանցում:

- Գիտեմ,  չակերտավոր (նկատի ունի չակերտավոր հետեւորդներ-խմբ.): Եկեք չակերտներից չխոսենք:

Հ.Գ. Ի դեպ, զրույցից հետո փորձագետն ասաց, որ  Հայաստանում չակերտներից դուրս ընդդիմություն գոյություն չունի:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝