Սիբիրյան խոց ախտորոշմամամբ հիվանդանոցում հայտնված ՀՀ քաղաքացիները վարակվել են Վրաստանում
Արխիվ 12-16
ՍԻԲԻՐՅԱՆ ԽՈՑ ԱԽՏՈՐՈՇՄԱՄԱՄԲ ՀԻՎԱՆԴԱՆՈՑՈՒՄ ՀԱՅՏՆՎԱԾ ՀՀ ՔԱՂԱՔԱՑԻՆԵՐԸ ՎԱՐԱԿՎԵԼ ԵՆ ՎՐԱՍՏԱՆՈՒՄ
ՀՀ առողջապահության նախարարությունից տեղեկացնում են, որ Արմավիրի մարզի Արտամեդ համայնքի 2 բնակիչ սիբիրյան խոց կասկածելի ախտորոշմամբ դիմել են Արմավիրի բժշկական կենտրոն, որտեղից հոսպիտալացվել են «Նորք» ինֆեկցիոն հիվանդանոց: Լաբորատոր հետազոտությունների արդյունքում հաստատվել է սիբիրյան խոց ախտորոշումը: Հիվանդների ինքնազգացողությունը ներկայումս բավարար է, ունեն առողջացման դրական տեղաշարժ: Ձեռնարկված կանխարգելիչ եւ հակահամաճարակային միջոցառումները շարունակվում են:
Հավելենք նաեւ, որ տեղում իրականացված համաճարակաբանական հետազոտությունների արդյունքում պարզվել է, որ հիվանդները հուլիսի 24-ին գտնվել են Վրաստանի Նինոցմինդա տարածաշրջանում, որտեղ գնել են միս: Մսեղիքի մշակման, արդյունքում մեկ շաբաթվա ընթացքում, հիվանդների ձեռքերի վրա նկատվել են վերքեր, որի կապակցությամբ դիմել են բժշկական օգնության: Ձեռնարկված միջոցառումների արդյունքում ճշտվել են մսեղիքի հետ առնչություն ունեցած բոլոր անձինք, նրանց նկատմամբ կազմակերպվել է բժշկական հսկողություն, տնային օջախում կազմակերպվել է ախտահանում: Դեպքի մասին անմիջապես տեղեկացվել է ՀՀ գյուղատնտեսության նախարարության սննդամթերքի անվտանգության ծառայությանը, որոնց հետ համատեղ կազմակերպվել են բոլոր կանխարգելիչ եւ հակահամաճարակային միջոցառումները:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31216 դիտում
2
4895 դիտում
3
2451 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
