Լուծում են ստացել Ֆիրդուսի 33-րդ թաղամասի բնակիչների խնդիրները

ԼՈՒԾՈՒՄ ԵՆ ՍՏԱՑԵԼ ՖԻՐԴՈՒՍԻ 33-ՐԴ ԹԱՂԱՄԱՍԻ ԲՆԱԿԻՉՆԵՐԻ ԽՆԴԻՐՆԵՐԸ

Վարչապետ Հովիկ Աբրահամյանն ընդունել է Երեւանի Ֆիրդուսի 33-րդ թաղամասի կառուցապատման արդյունքում օտարված բնակելի տարածքների բնակիչներին:

Հանդիպմանը ներկա ՀՀ քաղաքաշինության նախարար Նարեկ Սարգսյանը եւ կառուցապատող «Գլենդել Հիլզ» ընկերության ներկայացուցիչները ներկայացրել են բնակիչներին բնակարանների կամ գումարի տեսքով փոխհատուցելու, փաստաթղթային խնդիրների լուծման ուղղությամբ կատարված եւ առաջիկայում նախատեսվող  աշխատանքները: Զեկուցվել է, որ արդեն իսկ բնակարանների փաստաթղթերը հանձնվել են բնակիչներին, իսկ փոխհատուցման համապատասխան գործընթացը կսկսվի առաջիկայում` ըստ սահմանված ժամանակացույցի: Բացի այդ, ամբողջությամբ վճարվել է նաեւ բնակիչների բնակվարձը:

Ամփոփելով` վարչապետ Աբրահամյանը նշել է, որ նախորդ հանդիպման ընթացքում ձեռք բերված բոլոր պայմանավորվածությունները կատարվել են: Կառավարության ղեկավարն ընդգծել է, որ քաղաքացիների բնակարանային խնդիրների լուծումը եղել եւ մշտապես լինելու է  իր անմիջական ուշադրության կենտրոնում:

Օտարված բնակելի տարածքների բնակիչները շնորհակալություն են հայտնել Հովիկ Աբրահամյանին՝ իրենց խնդիրներին հետամուտ լինելու եւ օժանդակություն ցուցաբերելու համար:

Հիշեցնենք, որ Ֆիրդուս թաղամասի բնակիչները կառավարությունից պահանջում էին իրենց տները, որոնք քանդվել են գերակա հանրային շահ ծրագրի շրջանակներում, իսկ մարդիկ արդեն 8 տարի է մնացել էին անօթեւան:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝