ՍՏԵՓԱՆ ԴԵՄԻՐՃՅԱՆԸ ՀԱՄԱ ԹԵ ՁԵՎԻՍՏՆ Է
Արխիվ 12-16
ՍՏԵՓԱՆ ԴԵՄԻՐՃՅԱՆԸ ՀԱՄԱ ԹԵ ՁԵՎԻՍՏՆ Է
ՀԺԿ նախագահ, ՀՀ նախագահի երբեմնի անհաջողակ թեկնածու Ստեփան Դեմիրճյանը երեկ ցնցող կարծիք է հայտնել Սահմանադրության բարեփոխումների վերաբերյալ:
Նա ասաց, որ իմաստ չի տեսնում բովանդակային քննարկումների մեջ: Պետք է ենթադրել, որ պարոն Դեմիրճյանն իմաստ է տեսնում զուտ ձեւի քննարկումների մեջ: Օրինակ` Սահմանադրության ձեւի քննարկումները կարելի է սկսել նրանից, թե ի՞նչ թղթի վրա է տպագրված Սահմանադրության նախագիծը, ի՞նչ գույնի եւ չափի տառերով է տպագրված եւ վերջացնել սահմանադրական հանձնաժողովի նախագահ Գագիկ Հարությունյանի սանրվածքի կամ քթի ձեւի քննարկումներով:
Մնում է զարմանալ ու զարմանալ, որ Ստեփան Դեմիրճյանը, որը քաղաքական ասպարեզ գալուց ի վեր անդադար խոսում է խորհրդարանական հանրապետության առավելությունների եւ ամբողջովին համամասնական ընտրակարգով խորհրդարան ձեւավորելու խիստ անհրաժեշտության մասին, այսօր, երբ իր երազած ու պահանջած այդ փոփոխությունները դարձել են Սահմանադրության բարեփոխումների առանցքը, հանկարծ ասում է. «Սահմանադրական փոփոխությունների հասարակական պահանջ եւ անհրաժեշտություն չկա»: Բա այդ դեպքում, եթե դրա անհրաժեշտությունը չկար, ինչո՞ւ էին Ստեփան Դեմիրճյանը եւ իր ՀՀՇ-ական գործընկերները տխրահռչակ 12 կետանոց պահանջներում պահանջում, որ «Ազգային ժողովի հաջորդ ընտրություններն անցկացվեն 100 տոկոս համամասնական ընտրակարգով»:
Սահմանադրության նախագծում ընդդիմությանը տրվում են նոր պաշտոններ, լիազորություններ եւ վերահսկողության գործառույթներ: Դա ճիշտ եւ ճիշտ համընկնում է տխրահռչակ եռյակի 12 պահանջներից 11-րդ կետին, որտեղ բառացի ասվում էր.
«Ապահովել ընդդիմության մասին օրենսդրական փաթեթի ընդունումը, ընդդիմությանն օժտելով վերահսկողության գործառույթներով»:
Այժմ այդ դրույթն ամբողջությամբ ներառվել է Սահմանադրության նախագծի մեջ, սակայն այն նույնպես ըստ Ստեփան Դեմիրճյանի` «պահանջված եւ անհրաժեշտ չէ»: Ստացվում է, որ տխրահռչակ եռյակի 12 պահանջները դատարկ եւ անբովանդակ դրսեւորում էր: Դա միայն ձեւ էր քաղաքական բարեփոխումներ առաջարկելու մասին, սակայն իրականում այդ ամենն օգտագործվում էր ներքաղաքական ապակայունություն առաջացնելու համար:
Բաժանորդագրվե՛ք https://t.me/iravunk
1
31234 դիտում
2
5246 դիտում
3
2462 դիտում
4
1760 դիտում
5
1614 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
