ԲԱԲԿԵՆ ՊԻՊՈՅԱՆ. «ՈՐՈՇ ԲԺԻՇԿՆԵՐ ԶԲԱՂՎՈՒՄ ԵՆ ԴԵՂԵՐԻ ՎԵՐԱՎԱՃԱՌՔՈՎ»

ԲԱԲԿԵՆ ՊԻՊՈՅԱՆ. «ՈՐՈՇ ԲԺԻՇԿՆԵՐ ԶԲԱՂՎՈՒՄ ԵՆ

ԴԵՂԵՐԻ ՎԵՐԱՎԱՃԱՌՔՈՎ»

«Իրազեկ եւ պաշտպանված սպառող» ՀԿ-ն դեղերի շուկայում անցկացրել  է ուսումնասիրություն: Մասնավորապես, ՀԿ-ն պարզել է դեղերի տրամադրման  ընթացակարգը: Այսօր լրագրողների հետ զրույցում ՀԿ-ի ղեկավար Բաբկեն Պիպոյանը ներկայացրեց  ուսումնասիրության արդյունքները: Մինչ այդ, բանախոսը դրական  միտումների մասին խոսեց.

«Երկու դրական միտում ենք նկատել ուսումնասիրություն կատարելիս: Կա պատրաստակամություն վերացնել ոլորտի խնդիրները եւ որոշակի օրենսդրական նախաձեռնությունների ընդունման դեպքում առողջապահական խնդիրներ կլուծվեն, այդ թվում նաեւ` դեղերի  տրամադրման գործընթացին առնչվող խնդիրները:

Մյուս կարեւոր  հանգամանքն այն է, որ առողջապահության նախարարության հետ կա նախնական պայմանավորվածություն` իրականացնել մոնիտորինգային ուսումնասիրություն»:

Ինչ վերաբերում է առողջապահության  ոլորտի խնդիրներին, Բաբկեն Պիպոյանի խոսքով, ցավոք սրտի, հայրենական արտադրության  դեղը նույն վստահությունը  չի ներշնում հանրությանը, ինչքան եվրոպական արտադրողը:

Խնդիրներից մեկն էլ առնչվում է  դեղերի տրամադրման գործընթացին. «Կա  եթե հիվանդը հրաժարվում է դեղից, նա հասկանում  է` ժամանակի ընթացքում գուցե այդ դեղը փոխարինվի մյուսով: Բայց եթե  հիվանդը հրաժարվի իրեն տրվող դեղերից, ապա  հետագայում  դրանց փոխարինիչերը  չի ստանա: Այդ պատճառով հիվանդը ստիպված դեղը ձեռք է բերում: Եթե հիվանդը դեղը ստիպված է ձեռք բերում, ապա  կոռուպցիոն ռիսկեր են առաջանում»:

ՀԿ-ն ուսումնասիրության ընթացքում հայտնաբերել է մեկ այլ խնդիր: Եթե անգամ  քաղաքացին ցանկանում է, որ իրեն տան  117 դրամանոց դեղ, բայց մեկ այլ ընկերություն առաջարկում է  44 դրամով դեղ, պետությունը ստիպված գնում է 44 դրամանոց դեղը, քանի որ գնումների մասին օրենքը  դա է պահանջում:

Երեխաներին տրվող    արտոնությունների հարցում, որքան էլ զարմանալի թվա.  իրազեկվածությունը,, ՀԿ-ի ղեկավարի խոսքով,  ցածր մակարդակի վրա է մեծահասակների  իրազեկվածության համեմատ:

Բաբկեն Պիպոյանի տեղեկացմամբ քիչ չեն դեպքերը, երբ  հիվանդները գնում են բժշկի, դեղ չկա: «Պոլիկլինիկան ասում է` դեղ չկա:  Եթե քաղաքացին  թեժ գիծ է  զանգահարում, հետեւողական է լինում,  հնարավոր է հասնել ինչ-որ բանի, բայց դրա պատճառով  էլ ամենավստահելի  բժիշկը  կորցնում է հիվանդի եւ  խնդիրների առաջ կանգնում»,-  մանրամասնեց   ՀԿ-ի ղեկավարը:

Մի տհաճ երեւույթ եւս  բացահայտել  է ՀԿ-ն. հաճախ որոշ բժիշկներ  գաղտնի զբաղվում են  դեղերի, այսպես ասած,  վերավաճառքով. «Բուժհաստատություն չհաճախող  առաջին եւ երկրորդ   կարգի հաշմանդամներին օրենքով հասանելի է  պետպատվերի շրջանակում տրվող դեղորայքը: Բժիշկը  կապի մեջ  է մտնում համապատասխան   քաղաքացու եւ  բուժհաստատության հետ համագործակցող   դեղատան հետ, ձեռքբերում հաշմանդամին հասանելիք, բայց նրան չտրված դեղորայքը, ապա այն հետագայում վերավաճառում  այն մարդուն, ով անվճար սրանից օգտվելու իրավունք չունի»:

Անդրադառնալով անվճար   տրվող դեղորայքին` ՀԿ-ի ղեկավարն առաջարկում է նոր համակարգ ներդնել: Անվճար դեղորայքի գումարը տալ քաղաքացուն, եւ թող նա որոշի` այդ գումարի չափով դեղ գնի, եթե մի փոքր էլ իր գրպանից ավելացնի, գնի ավելի թանկ եւ իր կարծիքով ավելի թանկը:

Իսկ   բուժհաստատությունն ինչպես համոզվի, որ այդ գումարը քաղաքացին  իրոք  ծախսել է դեղորայք գնելու համար: «Թող  դեղերի գնման փաստաթղթեր ներկայացնի»,- առաջարկում է  Բաբկեն Պիպոյանը:

Ի դեպ, այս  համակարգը Մոսկվայում ժամանակին ներդրվեց, սակայն չարդարացրեց, քանի որ քաղաքացիներն այդ գումարը ծախսում էին ամեն ինչ վրա, բացի դեղ գնելուց:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝