«Ժողովուրդ». Դատական հայց պատգամավորի ընկերության դեմ
Արխիվ 12-16
«Ժողովուրդ». Դատական հայց պատգամավորի ընկերության
դեմ
«Ժողովուրդ» օրաթերթը գրում է. Դատական վեճ է հասունացել ՀՀ աշխատանքի եւ սոցիալական հարցերի նախարարության եւ ԱԺ պատգամավոր Արագած Ախոյանին պատկանող ընկերության միջեւ: Ըստ «Ժողովուրդ» թերթի նախարարությունը պատգամավորի ընկերությունից պահանջում է շուրջ մեկ միլիոն դրամ: Եւ այսպես՝ 2015թ սեպտեմբերի 4-ին աշխատանքի եւ սոցիալական հարցերի նախարարությունը դիմել է Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարան` պահանջելով, որ դատարանի միջոցով «Խաչարամ կոնսերվատորիա» ՍՊԸ-ից բռնագանձվի 950 հազար 400 դրամ: Իսկ ինչ գործունեությամբ է զբաղվում «Խաչարամ կոնսերվատորիա» ՍՊԸ-ն եւ, առհասարակ, ում է պատկանում: Թերթը պարզել է նաեւ, որ «Խաչարամ կոնսերվատորիա» հետաքրքիր անունը կրող ընկերությունը իրականում ոչ թե երաժշտական, այլ տպագրական ծառայություններ իրականացնող կազմակերպություն է, որի բրենդը «Նորք» տպագրատունն է: Այս տպագրատունը պարբերաբար տպագրական ծառայությունների պատվերներ է ստանում պետական կառավարական մարմիններից: Ըստ ՀՀ արդարադատության նախարարության պաշտոնական տվյալների՝ ՍՊԸ-ի համահիմնադիրը ԱԺ պատգամավոր Արագած Ախոյանն է: Ըստ ամենայնի, ՀՀ աշխատանքի եւ սոցիալական հարցերի նախարարությունը վերոնշյալ գումարը փոխանցել է պատգամավորին պատկանող ընկերությանը՝ տպագրություն իրականացնելու համար, սակայն գումարը ծախսվել է, բայց նախարարության պատվերը չի իրականացվել կամ թերակատարվել է, ինչն էլ նախարար Արտեմ Ասատրյանին ստիպել է ընկնել դատարանի դռները:
Ստեղծված իրավիճակի շուրջ փորձել են պարզաբանում ստանալ Արագած Ախոյանից, սակայն վերջինս պատասխանել է, թե ինքը նման ընկերություն չունի. «Առաջին անգամ եմ լսում, ո՛չ ես, ո՛չ իմ ընտանիքը կապ չունենք այդ ընկերության հետ: Եթե մի բան լինում է, ճիշտն ասում եմ, բայց նման բան չկա»: Ինչպես նշվում է թերթում, չնայած պատգամավորը հերքեց իր առնչությունը ընկերության հետ, սակայն սա առաջին դեպքը չէ, երբ ԱԺ պատգամավոր Արագած Ախոյանը հայտնվում է դատական քաշքշուկի կենտրոնում:
Մանրամասները թերթի 28.07.2015թ. համարում:
Բաժանորդագրվե՛ք https://t.me/iravunk
1
31209 դիտում
2
4126 դիտում
3
2383 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
