«ՄԵՆՔ ԹՇՆԱՄԻՆԵՐ ՉԵՆՔ ԵՎ ՊԵՏՔ Է ՄԻԱՍՆԱԿԱՆ ԱՇԽԱՏԵՆՔ»
Արխիվ 12-16
«ՄԵՆՔ ԹՇՆԱՄԻՆԵՐ ՉԵՆՔ ԵՎ ՊԵՏՔ Է ՄԻԱՍՆԱԿԱՆ ԱՇԽԱՏԵՆՔ»
Երեկ կառավարությունում տեղի ունեցավ Կոռուպցիայի դեմ պայքարի խորհրդի առաջին նիստը: Թեպետ նախատեսված էր, որ խորհրդում պետք է մաս կազմեին խորհրդարանական ընդդիմության ներկայացուցիչները, սակայն ներկա էր միայն ԱԺ ԲՀԿ խմբակցության պատգամավոր, ԲՀԿ մամուլի պատասխանատու ՎԱՀԱՆ ԲԱԲԱՅԱՆԸ, այն էլ` ԱԺ ԲՀԿ խմբակցության պատգամավոր Միքայել Մելքումյանի փոխարեն: Նիստից հետո խորհրդում ԲՀԿ-ի մաս կազմելու մասին հետաքրքրվեցինք հենց Վ. Բաբայանից.
–Բազմաթիվ անգամ հայտարարել ենք, որ մեզ համար ինքնանպատակ չէ քննադատելը, այլ եթե իրականում կարող են լինել քայլեր, որոնցով կարող ենք մեր պետությանը, մեր երկրին օգուտ բերենք, ուրեմն` պատրաստ ենք մասնակցելու այդ աշխատանքներին: Այլ հարց է, որ այդ աշխատանքները չլինեն իմիտացիոն բնույթի, չլինեն դեկորատիվ, անիմաստ, այլ լինեն իսկապես միտված խնդրի լուծմանը: Տվյալ դեպքում, առանց մասնակցելու, առանց աշխատելու, չենք կարող նման գնահատականներ տալ, դրա համար «Բարգավաճ Հայաստան» կուսակցությունը մասնակցում է այս նիստին:
– Ձեր ընդդիմադիր գործընկերներն այս խորհրդի նիստին չմասնակցած` փնովում են այն, արդյո՞ք վարկաբեկված եք համարում` ներկա լինելով նիստին:
– Դա անիմաստ բնորոշում է, եւ եթե մեր երկրի առջեւ կա խնդիր, որը պետք է լուծել, ի՞նչ է նշանակում չմասնակցել, չհանդիպել, չքննարկել: Մենք թշնամիներ չենք, մենք ապում ենք փոքր երկրում, եւ պետք է բոլորս միասնական աշխատենք: Ցավում եմ այն մարդկանց համար, ովքեր նման բնորոշումներ են տալիս:
– Ի վերջո, ինչպե՞ս կգնահատեք կոռուպցիայի դեմ պայքարի խորհրդի առաջին նիստի արդյունքները:
– Գնահատում եմ դրական: Մասնակցել ենք ու կշարունակենք մասնակցել, եթե լավ լինի ամեն ինչ:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31216 դիտում
2
4905 դիտում
3
2451 դիտում
4
1760 դիտում
5
1608 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
