ՋԻՎԱՆՈՒ ԱԶԳԱԿԱՆՆԵՐՆ ՈՒԶՈՒՄ ԷԻՆ 2000 ԴՈԼԱՐՈՎ ՎԱՃԱՌԵԼ ՆՐԱ ՏՈՒՆԸ
Արխիվ 12-16
ՋԻՎԱՆՈՒ ԱԶԳԱԿԱՆՆԵՐՆ ՈՒԶՈՒՄ ԷԻՆ 2000 ԴՈԼԱՐՈՎ ՎԱՃԱՌԵԼ ՆՐԱ ՏՈՒՆԸ
Հուլիսի 25-ին աշուղ Ջիվանու ծննդավայրում` Կարզախում, մեծ հանդիսավորությամբ նշվեց «Ջիվանական օրեր» ամենամյա տոնակատարությունը, որի ընթացքում Հայաստանից եւ Ախալքալաքի տարբեր շրջաններից ժամանած հյուրերը Կարզախը վերածեցին մեծ բեմի, որտեղ հնչեց միայն Ջիվանու ստեղծագործությունները: Այդ գեղեցիկ հնչյունների ներքո էլ «Աջակցություն Ջավախքին» հիմնադրամի նախաձեռնությամբ տեղի ունեցավ մեծն աշուղի տուն-թանգարանի հիմնարկեքի արարողությունը: Հայաստանից եւ Թբիլիսիից ժամանած բարձրաստիճան հյուրերի ներկայությամբ Վիրահայոց թեմի առաջնորդ Գերաշնորհ տեր Վազգեն եպիսկոպոս Միրզախանյանը օրհնանքով հիշատակի գլանակը տեղադրեց պատի մեջ եւ հայտարարեց շինարարական աշխատանքների մեկնարկը: Թանգարանի նախագծի հեղինակը ՀՀ վաստակավոր ճարտարապետ Հովհաննես Մութաֆյանն է: Թանգարանը, որը բաղկացած կլինի մի քանի ցուցասրահներից` իր դռները այցելուների առջեւ կբացի 2016 թվականի ամռանը` Ջիվանու ծննդյան 170-ամյակին ընդառաջ: Ցուցասրահներն անհրաժեշտ ցուցանմուշներով համալրելու համար առաջիկայում կիրականացվի աշուղին պատկանող իրերի, գրքերի, լուսանկարների, երաժշտական գործիքների հավաքագրման աշխատանքներ:
Աշուղ Ջիվանու մահից հետո նրա տանը բնակվել են ազգականները, ովքեր 15 տարի առաջ 2 հազար դոլարով որոշել էին վաճառել այն: Սակայն աշուղի ծոռները տուն-թանգարանի վերածելու նպատակով գնել են հոգեւոր առումով մեծ արժեք ներկայացնող տունը:
ԶՎԱՐԹ ԽԱՉԱՏՐՅԱՆ
Հ.Գ. Թե ինչու մինչեւ հիմա աշուղ Ջիվանին չուներ տուն-թանգարան, եւ ինչ քարքարոտ ճանապարհներով միայն աշուղի ծոռներին հաջողվեց կյանքի կոչել այդ վաղեմի երազանքը, կարդացե՛ք «Իրավունքի» վաղվա համարում:
Բաժանորդագրվե՛ք https://t.me/iravunk
1
31286 դիտում
2
9278 դիտում
3
2597 դիտում
4
1768 դիտում
5
1651 դիտում
2
19256 դիտում
3
17693 դիտում
4
11374 դիտում
