ՍԲ ԳՐԻԳՈՐ ՎԱՆՔԱՅԻՆ ՀԱՄԱԼԻՐԸ ԳՏՆՎՈՒՄ Է ԽԻՍՏ ՎԹԱՐԱՅԻՆ ՎԻՃԱԿՈՒՄ
Արխիվ 12-16
ՍԲ ԳՐԻԳՈՐ ՎԱՆՔԱՅԻՆ ՀԱՄԱԼԻՐԸ ԳՏՆՎՈՒՄ Է ԽԻՍՏ ՎԹԱՐԱՅԻՆ ՎԻՃԱԿՈՒՄ
Օրերս «Իրավունք» թերթի ընթերցողներից տիկին Ռոզան դիմել էր թերթին` հետեւյալ հարցադրմամբ.
-Թումանյանի Դսեղ գյուղից դեպի բանավան տանող
ճանապարհին` անտառի մեջ, կա մի եկեղեցի, ինձ հետաքրքրում է, թե ՀՀ մշակույթի նախարարությունը որքանո՞վ է տեղյակ այդ եկեղեցու` հրաշք շինության մասին, որն արդեն բավականին ժամանակ գտնվում է անմխիթար վիճակում: Մի անգամ լսեցի, որ ուզում են վերականգնել այդ եկեղեցին, սակայն ավտոմեքենայի ճանապարհ չկար եւ հենց այդ ճանապարհն էր խանգարում վերանորոգման աշխատանքներ սկսելու համար: Հիմա ուզում եմ տեղեկանալ, արդյո՞ք ճանապարհը կառուցվել է եւ ՀՀ մշակույթի նախարարությունն ի՞նչ միջոցներ է ձեռնարկում` այն վերականգնելու համար:
ՀՀ մշակույթի նախարարությունից ստացանք հետեւյալ պատասխանը.
- Ի պատասխան ձեր հարցման` հայտնում ենք, որ Ձեր կողմից նկարագրված կառույցը, որը ենթադրաբար Բարձրաքաշի Սբ Գրիգոր վանքային համալիրն է, գտնվում է խիստ վթարային վիճակում, եւ ՀՀ մշակույթի նախարարությունը 2015 թվականի պետական բյուջեի հրատապ տողից նախապատրաստվում է գումար հատկացնել` հուշարձանի կառույցների անհապաղ մասնակի ամրակայման համար:
Հայտնում ենք նաեւ, որ դեպի վանքային համալիր տանող ճանապարհն արդեն իսկ պատմականորեն ձեւավորված է եւ ենթակա է միայն պահպանման եւ բարեկարգման, սակայն որպես հուշարձան տանող այլընտրանքային ճանապարհ պետք է ընտրել համալիրից Ալավերդի-Մարց մայրուղի տանող ճանապարհը, որի վերականգնողական աշխատանքներով պետք է զբաղվի տեղական ինքնակառավարման մարմինը:
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
1
31234 դիտում
2
5214 դիտում
3
2462 դիտում
4
1760 դիտում
5
1614 դիտում
2
19213 դիտում
3
17693 դիտում
4
11364 դիտում
5
8086 դիտում
5
8286 դիտում
